Омук туристара «Уус Буотама» питомникка сырыттылар

Бөлөххө киир:

Бу күннэргэ «Уус Буотама» питомникка Германияттан, Францияттан, Швецияттан, Норвегияттан, Финляндияттан уонна Арассыыйа киин эрэгийиэннэриттэн  ыалдьыттар кэлэн бардылар.

edersaas.ru

Ол курдук, «Ленатурфлот»  дуогабар быһыытынан экскурсиялаах бырагыраамалары тэрийэн ыытар. Кэлиҥҥи кэмҥэ бизонарийга сылдьыан баҕалаах дьон ахсаана элбээтэ. Сыл саҕаланыаҕыттан, бизоннары көрө 300-кэ киһи сылдьыбыт.

«Уус Буотама» питомник Буотама уонна Өлүөнэ өрүстэр икки ардыларыгар баар, «Өлүөнэ очуостара» паарка соҕуруу өттүгэр. Дьокуускайтан 120 килэмиэтир. Улахан дьоҥҥо 300 солк., оҕолорго уонна биэнсийэлээхтэргэ 150 солк.

СӨ Экологиятын, айылҕа баайын туһаныыга уонна ойуур хаһаайыстыбатын министиэристибэтин пресс-сулууспата иһитиннэрбитинэн, ойуур бизоннарын илэ харахтарынан көрүөн баҕалаахтар эрдэтинэ экскурсоводу кытары сибээстэһиэхтэрин наада. Төлөпүөн нүөмэрэ: +79969156533 (Виктория).

Биһ. корр., edersaas.ru

+1
0
+1
0
+1
0
+1
0
+1
0
+1
0
+1
0