close
Омук култуурата уонна сомоҕолоһуу
Култуура - Олох-дьаһах

Омук култуурата уонна сомоҕолоһуу

 

Бэҕэһээ, «Өрөгөй» («Триумф») спорт киинигэр норуоттар икки ардыларынааҕы өй-санаа оонньуутун кыттыылаахтара арыый атын өттүнэн арылыннылар.

edersaas.ru

Национальнай култуура биэчэригэр бэйэлэрин омуктарын ырыаларын уонна үҥкүүлэрин Мексика, Аргентина, Казахстан, Бурятия, Алтай, Татарстан, Москва, Томскай куораттар уонна Саха Өрөспүүбүлүкэтин оҕолоро көрдөрдүлэр.

Сценаҕа бииртэн биир ураты нүөмэрдэри толороллоругар, кыттааччылар дойдуларын туһунан биидьийэ экраҥҥа көрдөрүлүннэ. Сорохтор, бэл биидьийэҕэ үҥкүүһүттэри көрдөрөн, кинилэри кытары тэҥҥэ үҥкүүлэһэ сылдьар курдук көстүүнү көрөөччүлэргэ бэлэхтээтилэр. Үгүс кыттааччылар национальнай таҥастарга, атрибуттарга улахан болҕомтону уурбатах буоллахтарына, татаардар, алтайдар, мексиканецтар толору таҥнан-симэнэн тахсан, ханна да тиийдэллэр, үгэстэрин илдьэ сылдьалларын итэҕэттилэр.

Саха Өрөспүүбүлүкэтин оҕолоро, дьиэлээх дьон, хомустан саҕалаан, Саха сирин кэпсиир композиция туруордулар.

Национальнай култууралар биэчэрдэрин английскайдыы тылынан  ыыттылар. Бииртэн биир сонун нүөмэрдэргэ волонтердар, салайааччылар, көрөөччүлэр тэҥҥэ ыллаһа, үҥкүүлэһэ турдулар.

Ити курдук, өй-санаа аан дойдутааҕы оонньууларын кыттыылаахтара биир сомоҕо буолбуттарын култуураларын нөҥүө көрдөрдүлэр.

Надежда ЕГОРОВА, «Саха сирэ» хаһыат, edersaas.ru

Андрей Сорокин хаартыскаҕа түһэриилэрэ

#бүгүн: 1
2
0

Сайт матырыйаалларын ааптар көҥүлэ суох ылар бобуллар.


Notice: Undefined index: comment_notes_before in /var/www/edersaas/wp-includes/comment-template.php on line 2334

12 − 5 =