close
Омуктар саха балаҕаныгар «киирэ сыстылар»
Кыһа - Олох-дьаһах

Омуктар саха балаҕаныгар «киирэ сыстылар»

MILSET Vostok Expo-Sciences оҕолор уонна ыччаттар бырайыактыыр чинчийэр үлэлэрин быыстапката «Өрөгөй» («Триумф») спорт киинигэр буолан ааста.

edersaas.ru

Быыстапка кыттыылаахтара бырайыактарын аһаҕас интерактивнай стендэлэр көмөлөрүнэн көрдөрдүлэр. Онон, быыстапканы көрөр, билсэр кыах элбэх киһиэхэ бэрилиннэ.

Үгүс элбэх үлэттэн мин, тоҕо эрэ хараҕым хаамыска быһыылаах мастартан оҥоһуллубут саха балаҕаныгар хатанна. Сахабыт балаҕана ыраахтан ыалдьыттары киирэн ааһыҥ диэбиттии, ыҥыра-угуйа турарга дылы. Быыстапка кыттыылаахтара, ол иһигэр салайааччылар, бары сэҥээрэн көрөллөр, ыйыталаһаллар. Онуоха сахалыы таҥастаах кыргыттар чобуо бэйэлээхтик кэпсииллэр. Кэпсэтэн билсибитим, бу стендэ хаһаайыттара – үөһээ дьааҥылар эбит.

Кэпсиир кыргыттартан биирдэстэрэ —  Анастасия Слепцова. Кини быйыл 7-с кылааһы бүтэрбит. Боруулаах нэһилиэгиттэн сылдьар кыысчаан төрөөбүт дойдутун кэрэ-бэлиэ миэстэлэрин үөрэтэр, чинчийэр эспэдииссийэҕэсылдьыбыта түөрт сыл буолбут.

Мин маннык быыстапкаҕа аан бастаан кытынным. Аан дойду таһымнаах быыстапкаҕа балаҕаммытын уонна дойдубутугар көстүбүт дьикти булумньуларбытын туруордубут. Омук сирин оҕолоро уонна салайааччылара олус интэриэһиргииллэр. Киһи күлүөх, аанын аһан балаҕан иһигэр иһирдьэ киирэн хаалыахтарын баҕараллар. Өссө бу дойдубут туһунан кинигэлэри, брошюлары ылан көрдүлэр-аахтылар. Бэйэм бу быыстапкаҕа элбэх үлэттэн Бурятияттан сылдьар оҕо үлэтин интэриэһиргээтим. Кини кутуйахтары үөрэтэр, кинилэргэ араас эксперименнэри оҥорор эбит. Үөһээ Дьааҥыттан биэс буолан кытынныбыт. Салайааччыбыт Саргылана Седалищева илдьэ кэлбитэ.

 

Анастасия Слепцова: «Биир саастыылаахтарбын  кытары билсэн үөрэн-көтөн сылдьабын, омук дойдуларын оҕолорун кытары бииргэ алтыспыппын  хаһан да умнубатым буолуо», —  дии-дии истиҥник мичээрдии хаалла.

Надежда ЕГОРОВА, «Саха сирэ» хаһыат, edersaas.ru

#бүгүн: 1
4
0

Сайт матырыйаалларын ааптар көҥүлэ суох ылар бобуллар.


Notice: Undefined index: comment_notes_before in /var/www/edersaas/wp-includes/comment-template.php on line 2334

четыре × один =