Бүгүн, от ыйын 20 күнүгэр, Дьокуускай дьаһалтатыгар Үөһээ Бүлүүгэ ыытыллыбыт сүүрбэһис «Манчаары оонньууларыгар» бастакы бөлөххө бастаабыт киин куорат хамаандатын чиэстээһин буолла.
Спорт национальнай көрүҥнэригэр спартакиадаҕа Дьокуускай аатын дьоһуннук көмүскээбит спортсменнары мэр Айсен Николаев, мэр солбуйааччылара Георгий Михайлов, Евдокия Евсикова эҕэрдэлээтилэр, саҥа кыайыыларга кынаттыыр тыллары эттилэр уонна Оонньуулар чөмпүйүөннэригэр 40-нуу, иккис призердарыгар 30-туу, үһүс миэстэлээхтэргэ 20-лии тыһыынча солкуобайдаах сертификаттары үөрүүлээх быһыыга-майгыга туттардылар.
Үбүлүөйдээх оонньуулар дьоруойдарынан буолбут саха многоборьетыгар уонна атах оонньуутугар аҕыс кыһыл көмүс мэтээли ылары ситиспит Диана Адасько уопсайа 320 тыһыынча солкуобайынан бириэмийэлэннэ.
Үрдүк көрдөрүүнү ситиспит иитиллээччилэрдээх тириэньэрдэргэ эмиэ харчынан бириэмийэлэр туттарылыннылар.
Роман ПОПОВ, “Саха сирэ” хаһыат, edersaas.ru
Петр Павлов хаартыскаҕа түһэриитэ.