Сарсыарда эрдэ эбэтэр ыкса түүн соҕуруу дойдуттан тапталлаах Дьокуускай куораппытыгар көтөн кэллэххэ, айанньыттары аэровокзалга илдьэр оптуобус тоҥ хаһаа туран, тымныынан бэрт хаҕыстык хаарыйааччы. Чараастык кэлбит дьон хаһан сөмөлүөт дьоно барыта киириэр диэри кэтэһэн, тымныйан сыыстара сыһааччылар. Көтөр аалтан быһа вокзалга тахсар ичигэс көрүдүөр баарын үрдүнэн, тоҕо эрэ онно тиксэр сөмөлүөт ахсааннаах.
edersaas.ru
Аны билигин бу кыһалҕаны быһаардылар. Дьокуускай аэропуордун генеральнай дириэктэрэ Сергей Игнатенко айанньыттары терминалтан сөмөлүөккэ илдьэр оптуобустары барыларын сылытар туһунан иһитиннэрдэ.
Ол курдук, МАЗ оптуобус солуонугар 7,5 кВт кыамталаах сылытар оборудование туруоруллубут. Бу тэрил ахсынньы аам-даам туманынан будулуйар хахсаат тымныытыгар солуон иһэ ичигэс буоларын хааччыйар. Ону таһынан, гаас турбата үөһэ тахсар гына оҥоһулунна, оччотугар уматык сыта оптуобус иһигэр аны киирбэт.
Сергей Игнатенко этэринэн, анал тырааныспар сулууспата бу күннэргэ перроннай оптуобустар пааркаларын барыларын сылытыаҕа.
Марианна Тыртыкова, «Саха сирэ», edersaas.ru
+1
+1
+1
+1
+1
+1
+1