Бүгүн орто анал үөрэхтэр киин тутар хамыыһыйалара үлэтин саҕалаата. Тэрээһин арыллыытыгар абитуриеннары уонна төрөппүттэри СӨ үөрэҕин уонна наукатын миниистирин солбуйааччы Андрей Попов эҕэрдэлээтэ. Ити туһунан туһааннаах министиэристибэ пресс-сулууспата иһитиннэрэр.
Сахамедиа, edersaas.ru
Киин тутар хамыыһыйа Потребительскай кооперация Дьокуускайдааҕы атыы-экэнэмиичэскэй кэллиэһин базатыгар, Дьокуускай куорат Ленин проспегын 50-с нүөмэрдээх дьиэтигэр үлэлиир. Атырдьах ыйын 25 күнүгэр диэри өрөспүүбүлүкэ 13 улууһугар уонна Жатайга, Дьокуускай куоракка баар 23 орто анал үөрэх тэрилтэтэ абитуриеннартан докумуоннары ылар.
Уопсайа, 3125 бүддьүөт миэстэтигэр докумуону биэриэххэ сөп. Киин тутар хамыыһыйаҕа кыттар орто анал үөрэх тэрилтэлэрин испииһэгин СӨ Үөрэҕин уонна наукатын министиэристибэтин саайтыгар https://minobr.sakha.gov.ru/ көрүөххүтүн сөп. Туох баар мунаарар ыйытыыларгытын 8(4112)50-60-44 төлөпүөнүнэн биэриэххитин сөп.
“Саха сирэ” хаһыат, edersaas.ru
Хаартыска — интэриниэттэн.