Бу кыһын Халыма улуустарыгар нуорматтан элбэх хаар түһэн, кыһыҥҥы суоллара хойут аһыллыбыта. Аны билигин ууга баран эрэллэр.
Бүгүн «Өлөөкө Күөл» сылгы собуотун дириэктэрин солбуйааччы Иван Винокуровтыын төлөпүөнүнэн сибээскэ тахса сылдьыбыппар, ходуһалара барыта олоччу ууга сытарын иһитиннэрдэ. «Бу кыһын халыҥ хаардаах кыстык ааспыта. Ол хаар уута сытар. Сиэн Күөл ходуһалара ууга барда«, — диэн эбэн эттэ.
Бу кыһын хаардара харгыстаһан, уматыгы, сүөһү аһылыгын хойутаан тиэйбиттэрэ. Сыарҕа үрдүттэн олоруу балаһыанньата үөскээбитэ.
Ыспыраапка:
Сиэн Күөл 500-тэн тахса нэһилиэнньэлээх. Улуус кииниттэн ыраах олороллор. 169 килэмиэтирдээх сиргэ.
Анивера АКИМОВА, Саха сирэ» хаһыат, edersaas.ru
+1
+1
+1
+1
+1
+1
+1