close
Орто үөрэхтээһиҥҥэ 7,3 мөл. солк. эбии кэлиэҕэ
Бэлиитикэ - Кыһа - Олох-дьаһах

Орто үөрэхтээһиҥҥэ 7,3 мөл. солк. эбии кэлиэҕэ

Эһиилги сылга орто үөрэхтээһин искусство, дизайн эйгэтигэр федеральнай бүддьүөттэн эбии үбүлээһин быһыытынан субсидия кэлиэҕэ. Федеральнай бырагыраамаҕа барыта 55 регион кыттыбытыттан, 44 сайаапка бигэргэтилиннэ. Ол иһигэр Саха сирэ эмиэ киирдэ.

Санатан эттэххэ, бу субсидия “Орто профессиональнай уонна үрдүк үөрэх кыһаларыгар саҥа технологиялары, ньымалары киллэрии, тарҕатыы” диэн федеральнай тус сыаллаах бырагыраама чэрчитинэн бэриллэр. РФ үөрэҕин, наукатын министиэристибэтин анал хамыыһыйата киирбит сайаапкалартан 44 региону талла. Кинилэргэ барыта 682,6 мөл. солк. көрүлүннэ.
Саха сирэ үөрэх эйгэтигэр саҥа ньыманы, технологияны киллэриигэ биир тиһиктээх үлэ систиэмэтин бырагырааматынан кытынна. Бу манна өрөспүүбүлүкэ бүддьүөтүттэн 8 мөл. солк. номнуо көрүллэн турар. Ону сэргэ, бырабыыталыстыба СӨ Атыытын-промышленноһын палаататын кытары дуогабар түһэрсэн, “Холбос”, “АЛРОСА” курдук Палаата чилиэннэрэ эбии үбүлээһиҥҥэ кыттыһан, 7 мөл. солк. угалларын ситистэ.

Аграфена КУЗЬМИНА, “Саха сирэ” хаһыат, edersaas.ru

0
0

Сайт матырыйаалларын ааптар көҥүлэ суох ылар бобуллар.
Facebook
Facebook
Instagram
GOOGLE
http://edersaas.ru/orto-rehtee-i-e-7-3-m-l-solk-ebii-kelie-e/

Санааҕын хааллар

INSTAGRAM ЛЕНТАТА

Instagram батыһан бар