close
Оскуола оҕолоругар анаан харчы картата оҥоһуллуоҕа...
Бу - интэриэһинэй - Олох-дьаһах - ЭС - маны аах

Оскуола оҕолоругар анаан харчы картата оҥоһуллуоҕа

«Статус» ХЭУо LK14.ru диэн бырайыак оҥордо.  Пластиковай карта оскуолаҕа, библиотекаҕа киирэргэ пропуск буолар, онон оҕо аһылыгын, бырайыаһын уонна үөрэх таһынан сылдьар куруһуоктарын төлүүр.  Бу бырайыагынан Павел Григорьев быйылгы «Хотугу Синергия» форумҥа 100 000 солк. граны кыайда.

Павел Григорьев, «Статус» ХЭУо  бырайыактыыр отделын салайааччыта:

— Биһиги бырайыакпыт чэрчитинэн LK14.ru диэн сайт арыйабыт.  1-4 кылаас оҕолоро оскуола остолобуойугар аһыылларыгар, оптуобуска бырайыастарын уонна үөрэх таһынан куруһуоктарга, библиотекаҕа, куурустарга сылдьалларын  төлүүллэригэр анаан  «Алмазэргиэнбааны» кытта дуогабардаһан, карта оҥоробут. Ити картаҕа төрөппүттэр харчы угаллар, ол харчы картаҕа бэйэтигэр буолбакка, сервергэ сытар буолар, ол иһин оҕо маҕаһыыҥҥа баран буортулаах аһы атыыласпакка, остолобуойга аһыыр. Картаны электроннай стойкаҕа даҕайдахтарына, ааттарын-суолларын ааҕан, сервертэн харчы түһэр. Ол харчы аһыылларыгар, бырайыастарыгар барар. Маны таһынан, төрөппүттэргэ оҕолоро туох аһылыгы ылбыттарын барытын сыһыарыы нөҥүө көрдөрөр. Ааспыт сылга орбуочай барыйаанын ооҥорбуппут.  Дьокуускай куораттааҕы национальнай гимназия уонна  куорат 21 нүөмэрдээх оскуолатын дириэктэрдэрэ Николай Чиряевы уонна  Сергей Ермолаевы кытта кэпсэтэн, иккилии кылааска киллэрбиппит. Олунньу ыйтан саҕалаан ыам ыйыгар диэри үлэлэппиппит. Төрөппүттэр, учууталлар, үөрэнээччилэр биһирээбиттэрэ. Ыам ыйыгар 21 нүөмэрдээх оскуолаҕа холонон көрүүбүт түмүгүн  ырыппыппыт. Түмүк таһаарыытыгар Саха Өрөспүүбүлүкэтин үөрэҕириитин миниистирин солбуйааччы Феодосия Габышева ыалдьыттаабыта. Оскуолалар дириэктэрдэрэ картанан оҕолор хайдах туһаммыттарын кэпсээбиттэрэ уонна балаҕан ыйыттан оскуоланы бүтүннүү LK14 картанан хааччыйар баҕа санааларын эппиттэрэ. Быйыл Хаҥалас улууһун «Орто Дойду» комплексыгар ыытыллыбыт «Хотугу Синергия» форумҥа кыттыбыппыт. Бырайыакпытын көмүскээбиппит уонна 100 000 солк. грант сүүйбүппүт. Саха Өрөспүүбүлүкэтин Ил Дархана Егор Борисов биһиги бырайыакпытын олус сөбүлээбитэ. Быйыл Нерюнгри куоракка икки оскуоланы кытта үлэлэһэн саҕалаатыбыт. Оскуолалар салалталара сөбүлээбиттэр. Бырайыакпыт толору олоххо киирдэҕинэ, кыра кылаас оҕолоругар, төрөппүттэригэр уонна учууталларга улахан көмө буолуоҕа.   

Николай Попов, «Саха сирэ» хаһыат, edersaas.ru

1
0

Сайт матырыйаалларын ааптар көҥүлэ суох ылар бобуллар.


Notice: Undefined index: comment_notes_before in /var/www/edersaas/wp-includes/comment-template.php on line 2334

четыре + 1 =

INSTAGRAM ЛИЭНТЭТЭ

Instagram батыһан бар