П.А.Ойуунускай аатынан «Восток-Камчатка» устудьуоннар тутар этэрээттэрэ Камчаткаҕа үлэтин саҕалаата

От  ыйын 10 күнүттэн П.А.Ойуунускай аатынан «Восток-Камчатка»40 байыастаах устудьуоннар тутар этэрээттэрин маҥнайгы потуога  Камчатка Усть-Большерецк оройуонугар «Лойд-Фиш» балыгынан эргинэр хампаанньаҕа үлэтин саҕалаабыта. Оттон от ыйын 17 күнүгэр 80 байыас эбии кэлэн үлэҕэ кыттыста. Хамандыырынан баай уопуттаах Софрон Попов сылдьар. Кини көмөлөһөөччүлэрэ, комиссардар Николаева Татьяна, Айсен Попов уонна Семенов Айаал. Этэрээт сүрүн үлэтинэн буолар, муора балыгын (чавыча, нерка, кета, горбуша, кижуч) ыраастааһын, атыыга барарыгар бэлэмнээһин. Байыастар уопсай дьиэҕэ олороллор, күҥҥэ түөртэ аһыыллар. Маҥнайгы потуок от ыйын 10 күнүттэн атырдьах ыйын 8 күнүгэр диэри үлэлиир. Оттон иккис потуок от ыйын 17 күнүттэн атырдьах ыйын 15 күнүгэр диэри салгыы сылдьыа. Байыастар күүскэ үлэлиир санаалаахтар, Саха Өрөспүүбүлүкэтин устудьуоннарын тутар этэрээттэрин аатын үрдүктүк сүгүөхтэрэ.

Николай Попов «Саха сирэ» хаһыат, edersaas.ru