Барыллааһын быһыытынан, Өлүөнэ өрүһүнэн айан-сырыы аны аҕыйах хонугунан тохтотуллуохтаах. Онон мууһу солоон буксирдаах бааржалар сылдьалларыгар тыҥааһыннаах гидрологическай балаһыанньа үөскүүр кэмигэр, паромнар үрдэтиллибит тарыыбынан массыыналары таһыахтара.
СӨ Сыана бэлиитикэтин судаарыстыбаннай кэмитиэтэ иһитиннэрбитинэн, Дьокуускай — Аллараа Бэстээх хайысхатынан үрдэтиллибит тарыыптар былырыын күһүн олохтоммут сыананан хаалбыттар. Онон үрдээһин суох.
Ол курдук, кыра массыыналарга тарыып 685 солк. саҕалаан 2940 солк. диэри. Пассажирдары таһар оптуобустарга – 4420 – 7875 солк., таһаҕаһы тиэйэр массыыналарга, ол иһигэр «ГАЗ», «КАМАЗ», «МАЗ», «УРАЛ», «КРАЗ» тарыып 3450 солк. саҕалаан 37175 солк. диэри быһыллыбыт. Анал тиэхиньикэҕэ, ол иһигэр 20 тоннаҕа диэри ыйааһыннаах кырааннарга, бульдозердарга тарыып 29300 солкуобайтан 44105 солкуобайга диэри олохтоммут. Биир тонна таһаҕас ортотунан 980 солк. олохтоммут.
Оттон пассажирдарга тарыып 220 солк., оҕолорго диэри (5 – 10 саастаах) 110 солкуобай.
Анивера Акимова, «Саха сирэ» хаһыат, https://edersaas.ru/