«Күн-дьыл туругуттан көрөн бу күннэргэ, алтынньы 20-тин диэки Дьокуускай куораттан Өлүөнэ өрүһү туоруур паром сырыыта тохтуура күүтүллэр. Массыына сырыытын хонтуруоллуурга сэрэтэр бэлиэ, быраабыланы кэһиини видеоҕа устар, хаартыскаҕа түһэрэр тэрил барыта баар, ону таһынан, ГИБДД үлэһиттэрэ бэрээдэги көрүөхтэрэ. Арай таһаҕас тиэйэр тырааныспарга хааччах суох буолуоҕа», — диэн Уу тырааныспарыгар департамент салайааччыта Семен Коркин иһитиннэрдэ.
edersaas.ru
Сууккаҕа ортотунан 2-3 тыһ. массыына эбэни туоруурга мустар. Дьон айана табыгастаах буоларын туһугар «Best Parom» диэн Дьокуускайтан Аллараа Бэстээххэ диэри сылдьар паромнар, ледокол сырыытын, биэрэккэ тиксэр, хоҥнор бириэмэлэрин сырдатар мобильнай сыһыарыы оҥоһуллубута. Бу сыһыарыыны App Store уонна Google Play киирэн хачайдаан, суотабай төлөпүөҥҥэ туруоруохха сөп.
Марианна Тыртыкова, «Саха сирэ», edersaas.ru