Өрөспүүбүлүкэҕэ ойуур баһаардара туран, өрүс тырааныспарыгар харгыстар үөскүү сырыттылар. Биир күн теплоход Аллараа Бэстээххэ айаннаабакка, айанньыттары ыксаталыы сылдьыбыта.
Анивера АКИМОВА, «Саха сирэ» хаһыат, edersaas.ru
Билигин балаһыанньа көнөн, СӨ Тырааныспарын уонна суол хаһаайыстыбатын министиэристибэтэ иһитиннэрбитинэн, Дьокуускай — Аллараа Бэстээх, Хаҥалас (Кангалассы) — Суотту хайысхаларынан паромнар кыраапык быһыытынан үлэлииллэр.
Ол курдук, Аллараа Бэстээххэ диэри 9 паром үлэлиирин таһынан, 21 катер уонна «Рукавишников» теплоход пассажирдары таһар.
Оттон Хаҥалас — Суотту хайысхатынан 2 паром уонна 4 катер үлэлиир.
Өрөбүл күннэргэ суудуналар массыына төһө элбэҕиттэн көрөн, туоллулар да, анараа кытылга айанныыллар. Итиэннэ тырааныспар полициятын уонна ГИБДД иниспиэктэрдэрэ дьуһуурустубалыыллар.
Анивера АКИМОВА, «Саха сирэ» хаһыат, edersaas.ru