close
podpiska

Полицейскайдар бөрөнү сууһардылар
Бэрээдэк - Олох-дьаһах

Полицейскайдар бөрөнү сууһардылар

Бэрт интэриэһинэй түбэлтэ Уус Маайа улууһугар буолла.

edersaas.ru


СӨ ИДьМ-тын пресс-сулууспата иһитиннэрбитинэн, муус устар 14 күнүгэр, түүн 03.00 чаас саҕана, Уус Маайа полициятын дьуһуурунай чааһыгар биир тэрилтэ остуораһыттан иһитиннэрии киирбит. Уус Маайа бөһүөлэгин Дорожниктар уулуссаларын 3 №-гэр баар тэрилтэ хочуолунайыгар кыыл киирбитин туһунан.

Онно тутатына оперативнай дьуһуурунай көмөлөһөөччүтэ уонна суһал-силиэстийэлиир бөлөх полицейскай- суоппара тиийбиттэр. Кинилэри көрсүбүт остуорас кэпсээбитинэн, хочуолунайга бөрө киирбит.

Полицейскайдар хочуолунай аанын аспыттарыгар, бөрө суоһурҕанан, ардай аһыытын килэтэн, бүтэйдии ырдьыгыныы-ырдьыгыныы, кинилэргэ сабыта түһүөлээри гыммыт.

Онуоха полиция үлэһиттэрэр «Полиция туһунан» федеральнай сокуон 23-с ыстатыйатынан салайтаран, табельнай сэбинэн-сэбиргэлинэн кыылы биирдэ ытан сууһарбыттар.

Кыыл өлүгүн бэтэринээрдэргэ туттарбыттар.

Биһиги корр., «Саха сирэ» хаһыат, edersaas.ru

Хаартыска: интэриниэттэн

#бүгүн: 1
1
1

Сайт матырыйаалларын ааптар көҥүлэ суох ылар бобуллар.

Мин санаам:

три × четыре =