close
Полицейскайдар сүппүт балыксыттары быыһаатылар
· - Бэрээдэк - Олох-дьаһах

Полицейскайдар сүппүт балыксыттары быыһаатылар

Уус Маайа полициятыгар биир дьахтар кэлэн, 48 саастаах кэргэнэ хайа үрэҕэр икки доҕорун кытта балыктыы барбытын уонна баччааҥҥа диэри кэлэ иликтэрин туһунан ыксаан биллэрбит.

edersaas.ru

Эрэ киниэхэ икки хонугунан кэлиэх буолан эрэннэрэн барбыт. Уонна ууга тааһы бырахпыттыы сүппүт.

Старшай участковай боломуочунай, полиция майора Дмитрий Курс уонна полиция старшай лейтенана Ярослав Олейник уталыппакка, сүппүт балыксыттары көрдүүргэ туруммуттар.

Бу Уус Маайа улууһун айылҕатыгар, сүрүннээн, хайалар, тайҕа уонна хайа үрэхтэрэ баһыйаллар. Оттон бу доҕордуулар барбыт сирдэригэр киһи дэбигис тиийэрэ уустуктардаах эбит.

Полицейскайдар туох наадалааҕын барытын ылан, хомунан, Солнечнай бөһүөлэгиттэн 200 км ыраах сытар сиргэ айаннаабыттар. Көрдүөхтээх сирдэрэ иэнэ олус киэҥ, онтон балыксыттар баар буолуон сөптөөх миэстэлэрэ быһа барыллаан эрэ биллэр эбит.

Суукка курдук көрдөөн, Анча диэн үрэххэ полицейскайдар сүппүт балыксыттары булбуттар. Икки массыынаттан биирдэстэрэ алдьанан хаалан, онтуларын кыайан өрөмүөннээбэккэ, тардыллыбыттар эбит.

Өссө биир суукканан бу дьон полицейскайдарга арыаллатан, дьиэлэрин дьэ булбуттар.

Биһиги корр., «Саха сирэ» хаһыат, edersaas.ru

Хаартыскалар: СӨ ИДьМ-тын пресс-сулууспата. 

#бүгүн: 1
1
0

Сайт матырыйаалларын ааптар көҥүлэ суох ылар бобуллар.


Notice: Undefined index: comment_notes_before in /var/www/edersaas/wp-includes/comment-template.php on line 2334

двадцать + 16 =