“Дьокуускай куорат” куораттааҕы уокурук баһылыгын дуоһунаһыгар “Биир ньыгыл Арассыыйа” баартыйа ыам ыйын 28 күнүгэр ыытар барыллаан куоластааһыныгар сэттэ киһи кыттарын биллэрдэ. Тэрийэр кэмитиэт киирбит докумуоннары көрөн баран, хандьыдааттары сэттиэннэрин регистрациялаата.
Роман Попов, “Саха сирэ” хаһыат, edersaas.ru
Онон барыллаан куоластааһыҥҥа урбаанньыт Николай Потапов, теле-биэриилэри ыытааччы Андрей И (Хорошев), эдэр гвардеец Святослав Софронеев, урбаанньыт Ирина Высоких, ресторатор Татьяна Тымырова уонна Промышленнай уокурук ОДьКХ эйгэтин кэтээн көрүүгэ кылаабынай исписэлииһэ Григорий Зорин кыттар буоллулар.
Регистрацияны ааспыт хандьыдаат мантан антах бэйэтин туһугар агитация ыытар, быыбардааччылары кытта көрсөр, ый ортотуттан дебакка кыттар бырааптанар.
Барыллаан куоластааһын чэрчитинэн ыытыллар дебаттар тиэмэлэрэ манныктар: “Куорат экэниэмикэтэ уонна инновациялар” (ыам ыйын 13 күнэ), “Былаас уонна гражданскай уопсастыба диалога” (ыам ыйын 14 күнэ), “Инфраструктура: куорат эйгэтин сайыннарыы” (ыам ыйын 20 күнэ), “Дьокуускай куорат сайдыытын тосхоло” (ыам ыйын 21 күнэ).
Роман Попов, “Саха сирэ” хаһыат, dersaas.ru