Кулун тутар 30 күнүгэр “Дьокуускай куорат” куораттааҕы уокурук баһылыгар үһүс хандьыдаат – 35 саастаах, юрист идэлээх, “Быраап научнай, экспертнэй киинин” генеральнай дириэктэрэ Олег Яхонтов — “Биир ньыгыл Арассыыйа” баартыйа ыытар барыллаан куоластааһынын тэрийэр кэмитиэтигэр докумуоннарын туттарда.
Роман Попов, “Саха сирэ” хаһыат, https://edersaas.ru
Бүгүҥҥү күҥҥэ бу дуоһунаска “Биир ньыгыл Арассыыйа” ыытар барыллаан куоластааһыныгар үс хандьыдаат кыттар. Бастакынан докумуоннарын Дьокуускай куорат баһылыга Айсен Николаев туттарбыта, иккиһинэн регистрацияны эдэр урбаанньыт Николай Потапов ааспыта.
Санатар буоллахха, “Дьокуускай куорат” куораттааҕы уокурук баһылыгын быыбарыгар “Биир ньыгыл Арассыыйа” баартыйа хандьыдаатын быһаарар барыллаан куоластааһын ыам ыйын 28 күнүгэр буолар.
Роман Попов, “Саха сирэ” хаһыат, https://edersaas.ru