Сочи автодромугар түмүктэммит “Формула-1” Арассыыйа Гран-при куоталаһыытын кыайыылааҕынан “Мерседес” хамаанда пилота Льюис Хэмилтон (Великобритания) буолла.
Арассыыйа бэрэсидьиэнэ Владимир Путин “Формула-1” кыайыылааҕын Льюис Хэмилтону кытта эрдэ көрсөн, наҕараадалааһын кэмигэр кинини сампаанынан ыспатыгар эппит. Бу туһунан Великобритания The Sun хаһыата иһитиннэрдэ.
Путин тылбаасчытын кытта сынньанар хоско киирэн: “Мин эйигин бу туһунан сыл аайы сэрэтэбин”, – диэбит. Онуоха Хэмилтон: “Мин эйиигин ыһыам суоҕа. Былырыын ол мин буолбатах, ким эрэ атын этэ”, — диэн хардарбыт.
Куоталаһыыга иккис миэстэни “Мерседес” пилота Валттери Боттас иккис бириэмэни көрдөрдө. “Феррари” пилота Себастьян Феттель үһүс буолла.
Биир дойдулаахпыт, «Уильямс» пилота Сергей Сироткин уон ахсыс түмүгү көрдөрдө.
Роман Попов, edersaas.ru
Хаартыска Интэриниэттэн ылылынна.
+1
+1
+1
+1
+1
+1
+1