Путин кириисис ааспытын туһунан эттэ

Бөлөххө киир:

РФ президенэ Владимир Путин быһа эфир кэмигэр кириисис аҕырымнаабытын туһунан иһитиннэрдэ. Санатан эттэххэ, Владимир Владимирович бүгүн 18:00 чаастан быһа эфиргэ нэһилиэнньэ ыйытыытыгар хоруйдуу олорор.

Аграфена КУЗЬМИНА, “Саха сирэ” хаһыат, edersaas.ru сайт.

“Кэнники сылларга нэһилиэнньэ дохуота түһэ турбута, тиийинэн олоруу алын кээмэйиттэн кыра дохуоттаах дьон наһаа элбээбитэ. 90-с сыллардааҕы хартыына 2012 с. эмиэ хатыламмыта. Ол эрээри билигин дойдубут экэниэмикэтэ чөл туруктанна диэн толору этэр кыахтаахпыт”, — диэн хоруйдуур президент кириисис туһунан боппуруоска.
Владимир Путин манна даҕатан, үс кыбаартал түмүгүнэн, баалабай бородуукта үрдүү (2016 с. түмүгэр 3 % үрдээбит буоллаҕына, быйыл бастакы кыбаарталга – 5 %, муус устарга – 1,4 % үрдээбит), сүрүн хапытаалбытыгар инвестиция киириитэ элбии турарын бэлиэтээн эттэ. “Экэниэмикэбит сайдыытын кытары тэҥнээтэххэ, инвестиция киириитэ быдан үрдүк (2,5 %). Ити иһигэр ипотеканы биэрии, массыынаны атыылаһыы күн-түүн элбии турарын, хамнас кыралаан үрдээн иһэрин, олорор сааспыт уһаабытын, о.д.а. бэлиэтээн этиэм этэ”, — диэн иһитиннэрэр Владимир Путин.

Аграфена КУЗЬМИНА, “Саха сирэ” хаһыат, edersaas.ru сайт.

+1
0
+1
0
+1
0
+1
0
+1
0
+1
0
+1
0