close
Путин Уһук Илиҥҥэ национальнай бырагырааманы ирдээтэ...
Бэлиитикэ - Олох-дьаһах

Путин Уһук Илиҥҥэ национальнай бырагырааманы ирдээтэ

 Арассыыйаҕа Уһук Илин сайдыытын 2025 сылга уонна 2035 сылга диэри кэскиллээх  национальнай бырагырааматын бэлэмниэхтэрэ. Бу туһунан Владимир Путин Илиҥҥи экономическай форум пленарнай мунньаҕар эттэ, диэн СИА иһитиннэрэр. Туһааннаах сорудах Арассыыйа бырабыыталыстыбатыгар бэриллиэҕэ.


“Биһиги иннибитигэр турар киэҥ хабааннаах соруктар уонунан сылга урутаан үлэлиирбитин ирдииллэр.  2025 сылга уонна 2035 сылга диэри национальнай кэскиллээх бырагыраама наадата тирээтэ”, — диэтэ судаарыстыба баһылыга.

Бырагыраама национальнай барыллар уонна госбырагыраамалар тэрээһиннэрин, биэдэмистибэлэр уонна инфраструктурнай хампаанньалар уһун болдьохтоох былааннарын, Уһук Илин бары регионнарын сайдыыларын стратегияларын холбуу түмүөхтээх.

Владимир Путин бырабыыталыстыбаҕа маннык докумуону бэлэмнииргэ сорудах бэриллиэ диэн иһитиннэрдэ. Бу докумуон Уһук Илин регионнарын, дьону-сэргэни, биисинэһи, уопсастыбаннай уонна  дьыалабыай түмсүүлэри кытта ыкса сибээстээхтик оҥоһуллуохтаах.  

Национальнай бырагыраама суолтатын учуоттаан,Арассыыйа Бэрэсидьиэнин Ыйааҕа тахсара күүтүллэр.

 

Надежда САМСОНОВА, edersaas.ru

#бүгүн: 1
0
0

Сайт матырыйаалларын ааптар көҥүлэ суох ылар бобуллар.

Мин санаам:

шестнадцать − шесть =