Өрүү баар буоллун «The Beatles»!

Ааптар: 
Бөлөххө киир:

Бүгүн, тохсунньу 16 күнүгэр, аан дойдуга «The Beatles»күнэ бэлиэтэнэр. Маннык быһаарыыны ЮНЕСКО  2001 сыллаахха ылыммыта.

Роман Попов, «Саха сирэ» хаһыат, https://edersaas.ru/

Бу күн, 1957 сыллаахха, Великобритания Ливерпуль куоратыгар “The Cavern” кулууп аһыллыбыта, онно оччолорго ким да билбэт эдэркээн уолаттара Джон Леннон, Пол Маккартни уонна Джордж дьону саататан оонньууллара. Кэлин кинилэргэ Ринго Старр кыттыспыта. Дьэ мантан куорсун анньынан “битлзтэр” киһи аймах историятыгар саамай бастыҥ бөлөх буола үүнүүлэригэр, аан дойдуга аатырыыларыгар аартыктара аһыллыбыта.

Эмиэ бу күн, 1964 сыл тохсунньу 16-гар, «Cashbox» сурунаал хит-параадыгар «I Want To Hold Your Hand» ырыаларынан «The Beatles» Америка Холбоһуктаах Штаттарыгар бастакы миэстэҕэ тахсыбыта. Бу ырыа биир мөлүйүөн пластинката уон хонук иһигэр атыыланан бүппүтэ.

Аҕыс сыл устата «The Beatles» 13 альбому таһаарбыта биллэр, олор хас биирдии ырыаларын Ливерпуль бөлөҕүн сүгүрүйээччилэрэ күн бүгүнүгэр диэри уостарыттан түһэрбэккэ ыллыыллар.

1963 сыл алтынньы 13 күнүгэр «Please Please Me» ырыа киэҥ сэҥээриини ылыаҕыттан аан дойдуга дьиҥнээх “битломания” саҕаламмыта. «The Beatles» аан дойду муусукатын сайдыытыгар улаханнык сабыдыаллаабыта. Үгүс биллиилээх композитордар, ырыаһыттар айар үлэлэригэр “битлзтэртэн” холобур ылаллара. «The Beatles» видеоклиптары устууга, студияҕа ырыалары уһултарыыга саҥаны киллэриилэрэ кэлин киэҥник туһаныллар буолбуттара.
«Rolling Stone» сурунаал суруйарынан, күн бүгүн «The Beatles» киһи аймах чулуу толорооччуларын испииһэгэр бастакы миэстэни ылыан ылар.

Тохсунньу 16 күнүгэр «The Beatles» чиэһигэр аан дойду үрдүнэн араас кэнсиэртэр, тэрээһиннэр ыытыллаллара үтүө үгэскэ кубулуйда. Бу күн Саха сирин эдэр-эмэн муусуканы сэргээччилэрэ эмиэ «The Beatles» ырыаларын хаттаан холбоон истиэхтэрэ, сир-сир аайы олоҕу, тапталы уруйдуур «Yesterday», «Yellow Submarine», «Let It Be» дуораһыйыахтара.


Роман Попов, «Саха сирэ» хаһыат

+1
0
+1
0
+1
0
+1
0
+1
0
+1
0
+1
0