2017 сыл саҥатыгар өрөспүүбүлүкэбитигэр бэйэни салайынар тэрилтэлэр элбиир чинчилээхтэр диэн суруйбуппут. Оннук буолар буолла. Санатар буоллахха, аан бастаан “Саха сирин тутааччыларын сойууһа” бэйэни салайынар тэрилтэ тэриллибитин кэнниттэн, былырыыҥҥыттан “Саха сирин тутуу хампаанньаларын ассоциацията” коммерческайа суох партнерство баарын биллэрэн барбыта. Новосибирскайтан “Сибирь” тэрилтэ эмиэ баар.
Александр ТАРАСОВ, «Саха сирэ» хаһыат, edersaas.ru
Бэҕэһээ “Саха сирин тутуу хампаанньаларын ассоциацията” коммерческайа суох партнерство Россиятааҕы “Нострой” (тутааччылар национальнай холбоһуктара) хамыыһыйатын этэҥҥэ ааһан, тутууга бэйэни салайынар статуһу ылара аҕыйах хардыы хаалла. Билигин, аны, Ростехнадзор бэрэбиэркэтин ааһыахтаахтар. Онно, сүрүннээн, бэйэни салайар тэрилтэ техническэй өттүнэн төһө бэлэмнээҕин көрөллөр.
Кылгас ыспыраапка:
Күн бүгүн Саха сирин үрдүнэн тутуунан дьарыктанар 1500 кэриҥэ хампаанньа баар.
“Саха сирин тутуу хампаанньаларын ассоциацията” коммерческайа суох партнерство былырыын балаҕан ыйыгар СӨ юстицияҕа министиэристибэтигэр тэрилтэ быһыытынан регистрацияланан, билигин 116-тан тахса тутар хампаанньалаах. Кинилэр истэригэр “Колмар” ХЭУо, Денисовскайдааҕы хайа-байытар кэмбинээт уонна Нерюнгритээҕи “Якутуголь” курдук бөдөҥ тэрилтэлэр бааллар.
Александр ТАРАСОВ, «Саха сирэ» хаһыат, edersaas.ru