Өрөспүүбүлүкэтээҕи «Дьиэ кэргэн» ийэ хапытаала 2011 сыллаахха олохтонон, аҕыайҕа суох ыал бу көмөнөн туһанна.
edersaas.ru
Көмө үһүс уонна онтон элбэх оҕолоох ыалларга бэриллэр. Ааспыт сыл бүтүүтэ СӨ Ил Дархана Егор Борисов «Об обеспечении инфраструктурой земельных участков, предоставленных семьям, имеющим трех и более детей» диэн ыйааҕар уларытыылары киллэрэн, ийэ хапытаалын кээмэйэ икки төгүл үрдээтэ.
Ол эрээри үрдэтиллибит хапытаалы ыал эрэ барыта ылар кыаҕа суох. Үһүс уонна онтон элбэх оҕолорун 2017 сыл ахсынньы 31 күнүгэр диэри оҕоломмут, 2018 сыл от ыйын 1 күнүгэр диэри босхо сир учаастагы ылартан аккаастаммыт уонна да атын ирдэбиллэргэ эппиэттэһэр ыаллар туһаныахтара. Ирдэбиллэр тустарынан сиһилии ыйаахтан көрөн билсиҥ.
Анивера АКИМОВА, edersaas.ru