Үөрэх уонна наука миниистирэ Владимир Егоров Ил Дархан Айсен Николаев бүгүн таһаарбыт ыйааҕынан дуоһунаһыгар хаалла.
Владимир Анатольевич миниистиринэн 2016 сылтан үлэлиир. Ол иннинэ “Өлүөнэ кыраайа” форуму, Наука аччыгый академиятын салайбыта.
Ыспыраапка:
Владимир Анатольевич Егоров
1966 с. кулун тутар 15 күнүгэр Сунтаар улууһугар төрөөбүтэ;
1988 с. Москватааҕы судаарыстыбаннай университеты бүтэрбитэ;
1991 с. Москватааҕы судаарыстыбаннай университекка аспирантураны бүтэрэн, физика-математика наукатын кандидата буолбута;
1991-1995 сс. – Смоленскайдааҕы үөрэтэр-эрчийэр киин 1 категориялаах математига;
1996-1999 сс. – СГУ математика аналиһын кафедратын доцена;
1999-2001 сс. – СГУ Математика уонна информатика институтун доцена;
2001-2004 сс. – Москватааҕы судаарыстыбаннай университекка докторантураҕа үөрэммитэ;
2004-2013 сс. – СГУ Математика уонна информатика институтун доцена;
2013-2016 сс. “Өлүөнэ кыраайа” физика-математика форумун дириэктэрэ;
2015-2016 сс. – Наука аччыгый академиятын ректора;
2016 с. – Үөрэх уонна наука миниистирэ.
Аграфена КУЗЬМИНА.