Үөрэх, наука министиэристибэтэ уонна түмэл бииргэ үлэлэһиэхтэрэ

Ааптар: 
Бөлөххө киир:

Арассыыйа – араас хомолтолоох, үөрүүлээх даҕаны түгэннэрдээх модун дойду. Биһиги норуоппут уоттаах сэриини, өрөбөлүүссүйэни, космоска бастакы көтүүнү, о.д.а. барытын ааспыта. Бу интэриэһинэй түгэни барытын биир сиртэн — “Арассыыйа – мин дойдум” история пааркатыттан билиэххэ, үөрэтиэххэ сөп.

edersaas.ru

Бүгүн өрөспүүбүлүкэ үөрэҕин систиэмэтигэр чахчы бэлиэ түгэн буолан ааста. Ол курдук, СӨ Үөрэҕин уонна наукатын министиэристибэтэ “Мин историям” түмэл комплексын кытта бииргэ үлэлэһэргэ сөбүлэстилэр. Сөбүлэһиигэ миниистир Владимир Егоров уонна түмэл дириэктэрэ Дмитрий Соловьев илии баттастылар. Мантан инньэ үөрэх, иитии уонна духуобунай-сырдатар соруктары быһаарыыга икки өттүттэн күүстэрин холбоон үлэлиир санаалаахтар.

История паарката арыллыаҕыттан 1000-тан тахса үөрэнээччи, устудьуон комплекска сырытта. Ити улахан суолталаах. Хас биирдии Арассыыйа гражданина төрөөбүт дойдутун историятын билиэхтээх. Маннык улахан култуура киинэ биһиги куораппытыгар баара араас тэрээһиннэри ыытарга кыаҕы үөскэтэр. Инникитин даҕаны история пааркатын кыаҕын көхтөөхтүк туһаныахпыт”, — диэн миниистир Владимир Егоров эттэ.

Дьиҥэр, бииргэ үлэлэһии паарка арыллыаҕыттан барар. Ол курдук, “Будущий дипломат”, “Науки юношей питают” куонкурустар түмүктүүр түһүмэхтэрэ, “ВорлдСкиллс — Россия” хамсааһын кыттааччыларын көрсүһүүлэрэ, учууталлар Тохсунньутааҕы мунньахтарыгар экскурсиялар тэриллибиттэрэ, о.д.а. өрөспүүбүлүкэ таһымнаах араас тэрээһиннэр ыытыллыбыттара.

Түмэл комплексын дириэктэрэ Дмитрий Иванович сылы кыайбат кэм иһигэр үгүс киһи сылдьыбытын этэр. “Комплекс 2017 сыл алтынньытыгар арыллыбыта. Маннык история паарката Саха сирин сэргэ Арассыыйа 18 куоратыгар үлэҕэ киирбитэ. Атын куораттарга, холобура, элбэх нэһилиэнньэлээх Екатеринбуру кытта тэҥнээтэххэ, дьон сылдьыытынан көрдөрүүбүт үчүгэй. 18 пааркаттан оскуола үөрэнээччилэрэ кэлиилэринэн, 7-с миэстэҕэ таҕыстыбыт. Итини үлэбит көдьүүстээх көрдөрүүтэ дии саныыбын”, — диэн бэлиэтээтэ.

СӨ Үөрэҕин уонна наукатын министиэристибэтин пресс-сулууспата.

+1
0
+1
0
+1
0
+1
0
+1
0
+1
0
+1
0