Үөрэх уонна наука министиэристибэтигэр технопаарка боппуруоһун ырытыстылар
СӨ Үөрэҕин уонна наукатын миниистирэ Владимир Егоров Дьокуускайга үлэтинэн кэлэ сылдьар “ Үөрэҕи сайыннарыы саҥа ньымаларын фондата” тэрилтэ генеральнай дириэктэрин инновационнай бырайыактары олоххо киллэриигэ уонна хаачыстыбаны хонтуруоллааһыҥҥа солбуйааччыта Максим Инкины кытта көрүстэ.
Кэпсэтии кэмигэр үрдүк үөрэх кыһаларын баазаларыгар эбии үөрэхтээһин кииннэрин арыйыы, эрэгийиэннэргэ оҕо технопааркаларын тэрийии уопутун үлэтин, ону тэҥэ, эбии үөрэхтээһин кииннэрин эрэгийиэннээҕи моделларын туһунан боппуруостары ырытыстылар.
Максим Алексеевич үөрэх уонна наука миниистирин сэргэ, СӨ инновацияҕа, цифровой сайдыыга уонна инфокоммуникационнай технологияларга миниистирэ Анатолий Семеновы кытта көрүстэ, “Кванториум” оҕо технопааркатыгар, “Юные якутяне” өрөспүүбүлүкэтээҕи ресурснай кииҥҥэ сырытта.
СӨ Үөрэҕин уонна наукатын пресс-сулууспата.
+1
+1
+1
+1
+1
+1
+1