ХИФУ ректорынан Анатолий Николаев ананыан сөп

Ааптар: 
Бөлөххө киир:

News.Ykt.Ru суруйарынан, М.К.Аммосов аатынан Хотугулуу-Илиҥҥи федеральнай университет саҥа ректорынан ХИФУ 

естественнэй уонна тиэхиньиичэскэй хайысхаҕа проректора

Анатолий Николаев ананыан сөп үһү. 

edersaas.ru

Тустаах саайтка ыйылларынан, ректор эбээһинэһин толорооччу Евгения Михайлова, бу дьыл сэтинньи 16 күнүгэр РФ Үөрэҕин уонна наукатын министиэристибэтин аттестациялыыр хамыыһыйата университет ректорынан Анатолий Николаев кандидатуратын өйөөтө диэн иһитиннэрбит. Манна эбэн эттэххэ, Анатолий Николаевич университеттан харыс даҕаны халбарыйбатах, атын сиргэ үлэлээбэтэх киһи.

Саҥа ректор толоруллар бэрээдэги ааһар диэн саайтка эбэн суруйбуттар.

Санатан аастахха, былырыын ректорынан аныырга аттестациялыыр хамыыһыйа бэрэбиэркэтин үөрэх чааһыгар бастакы проректор (оччолорго Педагогическай институт дириэктэрэ) Алексей Голиков ааспыт диэн иһитиннэрбиттэрэ. Оттон Евгения Исаевна дуоһунаһыттан уурайдаҕына университет бэрэсидьиэнинэн буолуохтаах диэн суруллубута.

Ыспыраапка:

Анатолий Николаевич Николаев

1994 с. М.К.Аммосов аатынан Саха судаарыстыбаннай университетын биологияҕа-географияҕа бакылтыатын бүтэрбитэ.

1995-1996 сс. М.К.Аммосов аатынан Саха судаарыстыбаннай университетын биологияҕа-географияҕа бакылтыатын ботаникаҕа хаапыдыратын ассистена.

1996-1999 сс. М.К.Аммосов аатынан Саха судаарыстыбаннай университетын аспирана.

1999 с. В.Н.Сукачев аатынан АНА СС Ойуурга институтун диссертационнай сэбиэтигэр кандидатскай диссертациятын көмүскээбитэ.

1999-2001 сс. АНА СС Криолитозона биологияҕа проблемаларын институтун лесоведениеҕэ бөлөҕүн научнай үлэһитэ.

2001-2011 сс. АНА СС П.И.Мельников аатынан Мерзлотоведение институтун старшай научнай үлэһитэ.

2011 с. экология исписээлинэһигэр докторскай диссертациятын көмүскээбитэ.

2011-2013 сс. М.К.Аммосов аатынан ХИФУ биологияҕа-географияҕа бакылтыатын декана.

2013 с. М.К.Аммосов аатынан ХИФУ естественнэй наукаларга институтун дириэктэрэ.

2017 с. ХИФУ естественнэй уонна тиэхиньиичэскэй хайысхаларга проректора.

Биһиги корр., edersaas.ru

Хаартыска — интэриниэттэн.

+1
0
+1
0
+1
0
+1
0
+1
0
+1
0
+1
0