Ресторан каассатыттан уорууну арыйдылар

Ааптар: 
Бөлөххө киир:

Харчыны ааҕар, тутар киһи эппиэтинэстээх буолара ирдэнэр. Кыл да түгэҥҥэ сэрэҕин сүтэрдэҕинэ, бэйэтин дьалаҕайыттан ытыһын соттуон сөп.

Вера МАКАРОВА, «Саха сирэ», https://edersaas.ru/

Ол курдук, Саҥа дьыл бырааһынньыгын саҕана, ааспыт сыл ахсынньы 28 күнүгэр, сарсыарда 06.00 чаас саҕана, Дьокуускай куоракка Октябрьскай уулуссатыгар турар ресторантан полиция дьуһуурунай чааһыгар иһитиннэрии киирбит. Каассаттан 50 тыһ. солк. уорбуттарын туһунан.

Быһылаан сиригэр тиийбит суһал-силиэстийэлиир бөлөх быһаарбытынан, кассир 05.50-06.00 бириэмэҕэ дьон суоҕун иһин быстах кэмҥэ каассатын хаалларан, атын сиргэ баран кэлбит.

Өлүү болдьохтоох, оруобуна кассир миэстэтигэр суох кэмигэр биир киһи киирэн кэлэн, ким да суоҕун көрөн, каассаттан харчыны уораат, атахха биллэрбит.

Оперативниктар видеокамеранан көрөн, уорбаланааччыны быһаарбыттар — Намтан төрүттээх, урут сууттана сылдьыбыт 32 саастаах киһи эбит. Уорбаланааччы ориентировкатын бары сулууспаларга ыыталаабыттар.

Бу дьыл тохсунньу 9 күнүгэр патруллуур-постовой сулууспа (ППС) полицейскайдара уорбаланааччыны туттулар. Буруйун билинэр көрдөрүүнү биэрбит.

Бу чахчынан «уоруу» ыстатыйанан холуобунай дьыала тэриллибитин туһунан Дьокуускай куорат полициятын пресс-сулууспата иһитиннэрдэ.

Вера МАКАРОВА, «Саха сирэ», https://edersaas.ru/

Хаартыска: интернеттэн.

+1
0
+1
0
+1
0
+1
0
+1
0
+1
0
+1
0