Чөмпүйүөннэр Лигаларыгар “Валенсияны” кытта көрсүһүүгэ “Ювентус” форварыгар Криштиану Роналдуга судьуйа кыһыл карточканы көрдөрдө. Бу туһунан «Лента.ру» иһитиннэрдэ.
Көрсүһүү 29-с мүнүүтэтигэр судьуйа Феликс Брих, “Валенсия” футболиһын Джейсон Мурильону сирэйгэ оҕуста диэн, Роналдуга кыһыл карточканы көрдөрдө, итиэннэ оонньууттан таһаарда. Онуоха Роналду ытамньыйан ылла.
Чөмпүйүөннэр лигаларыгар Роналду “Ювентус” састаабыгар бу бастакы оонньуута этэ. Ити буруйугар футболист алтынньы 2-гэр буолуохтаах «Янг Бойз» кытта көрсүһүүнү көтүтэр буолла.
Бу иннинэ Роналду «Манчестер Юнайтед» хамаанда састаабыгар биирдэ Чөмпүйүөннэр лигаларын кыайыылааҕынан буолан турар. Бу ситиһиитин кэлин “Реалга” оонньообут сылларыгар түөрт төгүл хатылаабыта.
“Валенсия” уонна “Ювентус” көрсүһүүлэрэ 0:2 ахсаанынан түмүктэннэ.
Роман Попов, edersaas.ru
Хаартыска Интэриниэттэн ылылынна.