Росгвардия полицейскайдара идэлээх бырааһынньыктарын бэлиэтээтилэр

Ааптар: 
Бөлөххө киир:

Былырыын, 2016 сыл муус устар 5 күнүгэр, Владимир Путин Ыйааҕынан РФ Национальнай гвардиятын войскаларын федеральнай сулууспата диэн тэриллибитэ. Биһиги өрөспүүбүлүкэбитигэр нацгвардия управлениета баар буолбута. Оттон дойду бэрэсидьиэнин бу дьыл тохсунньу 16 күнүнээҕи Ыйааҕынан кулун тутар 27 күнүгэр РФ Национальнай гвардиятын войскаларын идэлээх бырааһынньыктара олохтоммута. 

Вера МАКАРОВА, «Саха сирэ» хаһыат, edersaas.ru 


Ол бэлиэ күннэрин — тэриллибиттэрэ биир сылларын — Росгвардия полицейскайдара бэҕэһээ «Сахамедиа-кииҥҥэ» үөрүүлээх быһыыга-майгыга бэлиэтээтилэр.

Манна эҕэрдэ тылларын өрөспүүбүлүкэ баһылыгын уонна бырабыыталыстыбатын дьаһалтатын салайааччы Федор Борисов, РФ Куттал суох буолуутун федеральнай сулууспатын Саха сиринээҕи управлениетын салайааччы Алексей Пахомов, ис дьыала миниистирэ Владимир Прокопенко уонна РФ Росгвардиятын федеральнай сулууспатын Саха сиринээҕи управлениетын начальнига Сергей Челищев эттилэр.

Сулууспаларыгар үчүгэй көрдөрүүлээхтэр наҕараадалары туттулар. Ырыанан эҕэрдэлэрин ис дьыала уорганнарын бэтэрээнэ Максим Аммосов, сотрудниктар Владислав Голоков уонна Максим Гоголев тиэртилэр.

Вера МАКАРОВА, «Саха сирэ» хаһыат, edersaas.ru 

Хаартыскалар: ааптар. 

+1
0
+1
0
+1
0
+1
0
+1
0
+1
0
+1
0