”Россия лидердэрэ” аһаҕас куонкурус
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын Дьаһалтатыттан иһитиннэрбиттэринэн, “Лидеры России” диэн Бүтүн Арассыыйатааҕы салайааччылар аһаҕас куонкурустара саҕаланна.
edersaas.ru
Бу куонкурус сыалынан кэскиллээх салайааччылары сайыннарыы уонна өйөөһүн буолар. Онон Арассыыйа араас муннуктарыттан үрдүктэн үрдүк таһымнаахтар кыттыахтара.
Арассыыйа чулуу салайааччыларын күрэстэһиитигэр кыттааччыларга 1 мөл. солк. кээмэйдээх билиини хаҥатар граннар бэриллиэхтэрэ. Бизнескэ уонна судаарыстыбаннай салалтаҕа биллэр салайааччылар сүбэ-ама биэриэхтэрэ. Ону тэҥэ, салайааччылар испииһэктэрин хаҥатар резервэҕэ киирэр анал бырагыраамаҕа кыттар кыахтаныахтара.
Кыттааччылар 2017 сыл сэтинньи 6 күнүгэр диэри куонкурус сайтыгар: http://лидерыроссии.рф/ киирэн регистрацияланыахтарын сөп. Россия 50 диэри саастаах олохтооҕо кыттар кыахтаах. Саха сирин кэскиллээх салайааччылара да чулуулар куонкурустарыгар кытталлара эрэбил.
Бэйэбит инф., edersaas.ru