close
Рыбинскайтан саҥа баржаны аҕалыахтара
Олох-дьаһах - Экэниэмикэ

Рыбинскайтан саҥа баржаны аҕалыахтара

Уу суолунан сыллата навигация кэмигэр мөлүйүөнүнэн тонна таһаҕас араас көрүҥэ өрөспүүбүлүкэ өрүстэринэн тиэллэр. Кэлиҥҥи сылларга суудуналар эргэрэн, үгүстэрэ 30 – 40-ча сыл сулууспалаатылар. Бу күннэргэ Ярославскай уобалас Рыбинскай куоратыгар «Өлүөнэтээҕи холбоһуктаах пароходство» ААУо-ҕа анаан саҥа баржа тутуутун түмүктээтилэр.

 edersaas.ru


 

ROB07 бырайыагынан тутуллубут саҥа суудуна сотору кэминэн Саха сиригэр кэлиэхтээх. Үп-харчы кириисиһэ бүрүүкээбэтэҕэ буоллар, өссө эрдэ тутуллан бүтүөхтээх этэ. Дьиҥэр, тутуу үлэтэ 2012 сылтан саҕаламмыта.

Ярославскай уобаласка баржаны сакаасчыкка туттарыы үөрүүлээх тэрээһинигэр СӨ бырабыыталыстыбатын бэрэссэдээтэлин бастакы солбуйааччы Алексей Колодезников, «Өлүөнэтээҕи холбоһуктаах пароходство» генеральнай дириэктэрэ Сергей Ларионов кытыннылар.

Суудуна өрүс-муора кылаастаах. Таһаҕас икки көрүҥүн тиэйэр кыахтаах.

Рыбинскайга биһиги өрөспүүбүлүкэбитигэр анаан өссө иккис суудунаны тута сылдьаллар. Номнуо сэтинньигэ бүтэрэн, сакаасчыкка туттарыахтаахтарын туһунан пароходство пресс-сулууспата иһитиннэрдэ.

Анивера Акимова, «Саха сирэ» хаһыат, edersaas.ru

0
0

Сайт матырыйаалларын ааптар көҥүлэ суох ылар бобуллар.
Facebook
Facebook
Instagram
GOOGLE
http://edersaas.ru/rybinskajtan-sa-a-barzhany-a-alyahtara/

INSTAGRAM ЛИЭНТЭТЭ

Instagram батыһан бар