Өрүс тырааныспарынан социальнай суолталаах хайысхаларга пассажирдары таһыыга өрөспүүбүлүкэ бүддьүөтүттэн 67 мөл. солк. суумалаах субсидия көрүлүннэ. Уопсайа, 412 рейс оҥоһуллара былааннанар.
edersaas.ru
Бэс ыйыттан Дьокуускай – Тиксии хайысхатынан «Демьян Бедный» теплоход, оттон Дьокуускайтан Эдьигээҥҥэ диэри «Полесье» суудуна сылдьыаҕа. Дьааҥы өрүскэ 10 – 12 миэстэлээх икки катер сылдьара былааннанар. Сыана туһунан этэр буоллахха, «Ленатурфлот-СПК» ХЭТ Дьаархан – Маалыкай маршрутунан пассажирдары 1500 солк. таһыаҕа. Оҕолорго билиэт сыаната 750 солк.
Өрөспүүбүлүкэ киин куоратыттан Тиксиигэ диэри пассажирдары таһар «Ленатурфлот» ХЭТ 3б кылаастаах каютаҕа 13000 солк. (оҕолорго 6500 солк.) илдьиэҕэ. «Третье пассажирское райуправление» тэрилтэ Дьокуускай – Сангаар хайысхатынан 3350 солк. таһыаҕа (оҕолорго 1675 солк.).
Тарыыптар тустарынан сиһилии иһитиннэриини СӨ Сыана бэлиитикэтин судаарыстыбаннай кэмитиэтин официальнай саайтыгар киирэн көрүөххүтүн сөп.
Биһ. корр., edersaas.ru