close
Үс киһини өлөрбүт эр киһи олоҕун тухары хаайыыга ууруллуон сөп...
Киһи уонна сокуон

Үс киһини өлөрбүт эр киһи олоҕун тухары хаайыыга ууруллуон сөп

Бирисээгэлээхтэр сууттара 26 саастаах Ленскэй оройуонун олохтооҕор буруйдуур быһаарыыны ыллылар. Үс киһини өлөрбүт уонна талаабыт эр киһи олоҕун устата хаайыыга ууруллуон сөп.

Силиэстийэ быһаарбытынан, былырыын от ыйын 10 күнүгэр бу киһи билэр дьонун кытта Нүүйэ өрүс биэрэгэр сынньана кэлбиттэр. Манна кинилэр арыгылаабыттар. Буруйдаах итирэн баран биэрэк устун сылдьан, эр киһини уонна дьахтары көрсүбүт уонна кинилэри кытта айдаарсыбыт. Ол кэнниттэн сынньана түспүт сиригэр төнөн тиийэн массыынаттан быһах ылбыт уонна кыыһырсыбыт киһитин быһаҕынан 16-та охсубут. Эчэйбит киһи тута өлбүт. Ол кэнниттэн аны дьахтары төбөҕө хаста да охсубут уонна өрүскэ аспыт. Ууга киирэн дьахтар чачайан өлүөр диэри төбөтүн ууга туппут.

Өлөрбүт дьоно сынньаммыт сирдэригэр кэлбитэ бу дьон доҕотторо утуйа сыталлар эбит. Кини спининнэрин уорбун, икки дьахтар олорор массыынатыгар тиийбит. Массыынаны көрө-истэ сырыттааҕына, 31 саастаах дьахтар уһуктубут. Онуоха буруйданааччы кинини иккитэ быһаҕынан анньыбытын түмүгэр дьахтар олоҕо быстыбыт. Быһылаан буолбут сириттэн буруйдаах куоппут.

Суһаллык дьайар, силиэстийэлиир үлэ түмүгэр кинини булан хаайдылар.

Дьону өлөрүөн иннинэ Ленскэй Свердлов аатынан уулуссатыгар тутулла турар дьиэҕэ киирбит уонна 63 тыһ. тахса суумалаах тутуу инструменын, бытовой тиэхиньикэни уорбут.

СИА

#бүгүн: 1
0
3

Сайт матырыйаалларын ааптар көҥүлэ суох ылар бобуллар.

Мин санаам:

одиннадцать + тринадцать =