Бүгүн, ахсынньы 2 күнүгэр, силиэстийэ уорганнарыгар оскуола оҕото кырбаммытын туһунан иһитиннэрии киирдэ.
Дьокуускай куорат 7 №-дээх оскуолатын 5-с кылааска үөрэнэр оҕото балыыһаҕа киллэриллибитин истэн, РФ Силиэстийэлиир кэмитиэтин Саха сиринээҕи управлениетын Дьокуускай куораттааҕы салаатын силиэдэбэтэлэ тута быһылаан сиригэр тиийдэ.
Билигин биллибитинэн, перемена кэмигэр 2005 уонна 2007 сыллаах төрүөх уолаттар охсуспуттар. Охсуһуу кэмигэр уолаттартан улахана өйүн сүтэрбитигэр, балыыһаҕа киллэриллибит. Управление пресс-сулууспата иһитиннэрэринэн, оҕо туруга этэҥҥэ буолан, оскуолаҕа үөрэҕэр төннүбүт.
Бу чахчынан силиэстийэ иннинээҕи бэрэбиэркэ саҕаланна, ол түмүгүнэн, процессуальнай быһаарыы тахсыаҕа. Маны таһынан, оскуола дьаһалтатын дьайыытыгар правовой сыанабыл бэриллиэҕэ.
Вера МАКАРОВА.