close
Сөмөлүөт Екатеринбург авиапордуттан кыайан көппөтө...
Олох-дьаһах

Сөмөлүөт Екатеринбург авиапордуттан кыайан көппөтө

 

Алтынньы 11 күнүгэр күнүс «Якутия» авиахампаанньа Boeing 737 сөмөлүөтэ Екатеринбург авиапордуттан кыайан көппөтөх.

edersaas.ru
Хамандыыр авиапорт балаһатыгар көтүүнү оҥороору сөмөлүөтү сүүрдэн иһэн, эмискэ тохтоппут. Көтөр аал балаһа таһыгар тахсыбатах. Көтүү тохтотуллубут төрүөтэ биллибэт. Сөмөлүөт иһигэр 89 пассажир уонна экипаж 5 чилиэнэ бааллара биллэр. Ким даҕаны эчэйиини ылбатах.
«Якутия» авиахампаанньа пресс-сулууспата иһитиннэрэринэн, 490-с №-дээх рейс оҥоһуллара техническэй биричиинэнэн тохтотуллубут. Сөмөлүөт бортовой көмпүүтэрин таблотугар анал сэрэтэр уот умайан (сигнальнай) кэлбит. Билигин анал хамыыһыйа сөмөлүөтү бэрэбиэркэлиир.
Пассажирдары тута гостиницаҕа босхо олохтообуттар. Бүгүн атын сөмөлүөтүнэн Дьокуускайга киэһэ 19 чааска кэлиэхтэрэ.

Александр ТАРАСОВ, «Саха сирэ» хаһыат, http://www.edersaas.ru

1
0

Сайт матырыйаалларын ааптар көҥүлэ суох ылар бобуллар.
Facebook
Facebook
Instagram
GOOGLE
http://edersaas.ru/s-m-l-t-ekaterinburg-aviaporduttan-kyajan-k-pp-t/

INSTAGRAM ЛИЭНТЭТЭ

Instagram батыһан бар