Үс оҕо эксээмэнин 100 баалга туттарда

Ааптар: 
Бөлөххө киир:

СӨ Үөрэх хаачыстыбатын кэтээн көрөр уонна хонтуруоллуур киин иһитиннэрэринэн, быйылгы сыллааҕы биир кэлим эксэмээн бастакы түмүктэрэ биллибиттэр. Ол курдук, математика (профильнай) эксээмэнин икки, информатиканы биир оҕо 100 баалга туттарбыттар.

edersaas.ru

Кинилэр кимнээхтэрий? Математикаҕа (профильнай) Өрөспүүбүлүкэтээҕи лиссиэй-интэринээт үөрэнээччитэ Юрий Мартынов уонна М.К.Аммосов аатынан Хотугулуу-Илиҥҥи федеральнай университет анал үөрэтэр-научнай киинин үөрэнээччитэ Максим Андреев буолаллар. Максим сотору кэминэн Норуоттар икки ардыларынааҕы Интеллектуальнай оонньууларга кыттыаҕа. Онтон информатикаҕа уонна ИКТ биридимиэтигэр 100 баалы эмиэ лиссиэй-интэринээт үөрэнээччитэ Уйгууна Слепцова ылла.

Бэлиэтээн эттэххэ, бу үс үөрэнээччи оскуолаҕа үөрэнэр сылларыгар араас таһымнаах олимпиадаларга кытталлара.

Уопсай көрдөрүү туһунан этэр буоллахха, хаачыстыба ааспыт сыллааҕы курдук. Итини сэргэ кыайан туттарбатах оҕо ахсаана биллэ аҕыйаабыт. Эксээмэннэр салгыы бараллар.

Людмила ПОПОВА, “Саха сирэ” хаһыат, edersaas.ru

Хаартыска: ykt.ru

+1
0
+1
0
+1
0
+1
0
+1
0
+1
0
+1
0