-
«Якутскэнерго» тэрилтэ «Иэскин пенята суох төлөө» диэн аахсыйа биллэрдэ. Ол курдук, ахсынньы 10 күнүттэн саҕалаан 30 күнүгэр диэри иэстээх дьон пенята суох коммунальнай өҥөлөрү төлүөхтэрин сөп.
-
Бу аахсыйа өрөспүүбүлүкэ үрдүнэн буолар. Быйыл «Якутскэнерго» тэриллибитэ 55 сылыгар ананар.
-
Онон электрическэй уот, ититии уонна сылаас уу иһин төлөбүрдэргэ иэстээх эбит буоллаххытына, тиэтэйиҥ. Саргылаах саҥа дьылы ыстарааба суох көрcөргө дьулуһуҥ!
-
Өскөтүн олус улахан суумма мунньуллан, иэһи бүтүннүү төлүүр кыаххыт суох буоллаҕына, тэрилтэни кытта анал сөбүлэҥ түһэрсэн, болдьоҕун уһатан биэриэххэ сөп.
-
Манна даҕатан эттэххэ, бу күннэргэ «Табыгастаах төлөбүр» уонна «Табыгастаах онлайн төлөбүр» диэн икки аахсыйа буола турар. Коммунальнай төлөбүр иһин туох да иэстэрэ суох дьон бары кытталлар. Түмүгэ ахсынньы 26 күнүгэр биллиэҕэ. Кыайыылаахтар сылаас дойдуга сынньана барар путевкалары сүүйэн ылыахтара.
-
Саргылана Савватеева, edersaas.ru сайтка анаан
+1
+1
+1
+1
+1
+1
+1