Саҥа сыл 1000-һыс олохтооҕо төрөөтө

Ааптар: 
Бөлөххө киир:

Бүгүн олунньу ый 10 күнүгэр Покровскайдааҕы  ЗАГС дьиэтигэр  2017 сылга төрөөбүт өрөспүүбүлүкэ 1000-һыс саҥа олохтооҕун чиэстээһин буолла. Ол курдук, саҥа сылга өрөспүүбүлүкэ 1000-һыс оҕото Мотрена Николаевна уонна Леонид Константинович Роевтар дьиэ кэргэннэригэр үһүс оҕонон тохсунньу 18 күнүгэр Покровскайдааҕы төрүүр дьиэҕэ күн сирин көрбүт. Кыысчааны Ирина диэн сүрэхтээбиттэр.

Мария Слепцова, «Саха сирэ» хаһыат, https://edersaas.ru

Эдэр ыалы Дьокуускай куораттан Ыччат дьыалаларын уонна дьиэ кэргэн бэлиитикэтин миниистирин солбуйааччы Татьяна Пяткина эҕэрдэлээтэ . 2017 сылтан хас биирдии 1000-һыс саҥа олохтооҕу чиэстээһин үтүө үгэскэ кубулуйуохтааҕын туһунан эттэ. Хаҥалас улууһун баһылыгын солбуйааччы Елена Яковлева, Покровскай куорат баһылыга Петр Гермогенов эҕэрдэ тыл эттилэр, эдэр ыал дьиэлэрин өрөмүөннэнэллэригэр уонна атын даҕаны кыһалҕаларыгар көмөлөһүөх буоллулар.

Покровскай куорат дьаһалтата Роевтары киин хочуолунайтан ититиллэр дьиэнэн хааччыйбыт. Дьиэ кэргэн аҕата «Хангаласский Газстрой» тэрилтэҕэ үлэлиир, тэрилтэ салайааччыта Юрий Беца: «Леонид Константинович үлэтигэр бэриниилээх, үтүө үлэһит», — диэн бэлиэтээтэ уонна элбэх оҕолоох эдэр ыалга көмөлөһүөхпүт диэн эрэннэрдэ.

P.S. Саха сирин үрдүнэн ааспыт сылга быһа холоон 17 тыһ. оҕо күн сирин көрбүт.

Мария Слепцова, «Саха сирэ» хаһыат, https://edersaas.ru

+1
0
+1
0
+1
0
+1
0
+1
0
+1
0
+1
0