Нерюнгри оройуонугар доруобуйа харыстабыла тэтимнээхтик сайдар, аныгы технологиялар хото туһаныллаллар. Ону тэҥэ эмчиттэр үлэлэрэ дьоһуннаахтык сыаналанар.
Ааспыт сыл бүтэһик күннэригэр Нерюнгри оройуоннааҕы киин балыыһатын кэлэктиибигэр үөрүүлээх түгэн тосхойдо.
Ол курдук, Нерюнгри улууһун уонна куоратын баһылыктара Виктор Станиловскай уонна Леонид Олейник бастыҥ үлэлээх эмчиттэргэ «Саха сирэ Арассыыйаны кытары 385 сыл» үбүлүөйдээх мэтээллэри уонна өрөспүүбүлүкэҕэ профсоюз хамсааһынын 100 сылынан Бочуотунай грамоталары туттардылар.
Биир күүтүүлээх түгэнинэн улуус кылаабынай бырааһа Ньургун Степанов тоҕус бырааска саҥа кыбартыыралар күлүүстэрин туттарыыта буолла. Кыбартыыралар «2016-2018 сылларга Нерюнгри оройуонун медицинскэй үлэһиттэрин хаачыстыбалаах дьиэнэн хааччыйыы» муниципальнай бырагыраама чэрчитинэн бэрилиннилэр.
Надежда ЕГОРОВА, «Саха сирэ» хаһыат, edersaas.ru
+1
+1
+1
+1
+1
+1
+1