Саамай элбэх кыттааччылаах куонкурус

Ааптар: 
Бөлөххө киир:

Ааспыт нэдиэлэҕэ “Хомус дьүрүскэн дорҕооно” өрөспүүбүлүкэтээҕи куонкурус буолан ааста. Манна Саха сирин аҕыс улууһуттан уонна Дьокуускай куораттан уопсайа 450-ча оҕо кытынна.

edersaas.ru


Санатан эттэххэ, норуоттар икки ардыларынааҕы маҥнайгы куонкурус 1999 сыллаахха аан дойду виртуоз-хомусчута Спиридон Шишигин Покровскай куоракка тэрийиитинэн буолан ааспыта. Онно Японияттан, Алтайтан, Башкирияттан оҕолор кэлэн кыттыбыттара. 2011 сыллаахха “Этигэн хомус” оҕолор көрдөрүүлээх ансаамбылларын салайааччыта, РФ үөрэҕириитин туйгуна Агния Жиркова сөргүтэн ыыппыта. Ити кэмтэн ыла икки сылга биирдэ ыытыллар.

1999 сыллаахха буолбут маҥнайгы куонкурус номинациятын кыайыылааҕа, билигин номнуо импровизатор-хомусчут аатын сүгэр, Хомус аан дойдутааҕы киинин уонна түмэлин наукаҕа үлэһитэ, куонкуруһу тэрийсээччи Туйаара Жиркова тэрээһин туһунан санаатын бу курдук үллэстэр:

-“Хомус дьүрүскэн тыаһа” куонкурус саас ыытыллааччы. Быйыл “Этигэн хомус” тэриллибитэ 15 сылынан сибээстээн уонна Хомус декадатын чэрчитинэн ахсынньыга буолла. Урукку сылларга хомус тиэмэтигэр уруһуй, хоһоон, кэпсээн күрэһэ эмиэ тэриллэрэ. Быйыл аҥаардас хомуска эрэ буолла. Ол эрээри, хаһааҥҥытааҕар даҕаны элбэх оҕо кытынна. Ол курдук, урукку сылларга 10-тан тахса ансаамбыл кыттар эбит буоллаҕына, быйыл 30 ансаамбыл уонна 67 солист. Өрөспүүбүлүкэтээҕи куонкурустарга сылдьарым тухары, аан бастакытын итиччэ элбэх солист мустан күрэхтэһэрин көрдүм.

Балаһыанньа быһыытынан төрүт ньыманан хомуска тардыахтаахтар, ону таһынан Спиридон Шишигин хомуска ньымаларын туһаналлара биһирэнэр.

Бырайыак ааптарынан, биллэрин курдук, Агния Жиркова буолар. Оҕо айымньытын дыбарыаһа уонна Хомус түмэлэ кыттыһан тэрийбиттэр. Түмүгү саастарынан арааран үс бөлөҕүнэн (кыра, орто, улахан) таһаардылар. Ону таһынан хомуска саамай чаҕылхайдык  оонньообут оҕоҕо уонна бастыҥ ансаамбылга Гран-при аатын туттардылар. Ол курдук, Гран-при аатын сүкпүт “Хомусчаан” ансаамбылга (Бүлүү, Дьөккөн) Хомус түмэлин аатыттан 10 тыһ. солк. суумалаах сэртипикээти туттардылар. Онтон Гран-при хаһаайкатынан буолбут Валерия Атласова (Дьокуускай) куонкуруһу төрүттээбит виртуоз-хомусчут С.С.Шишигинтан уус Эдуард Тарабукин чочуйбут чахчы дьүрүскэн тыастаах хомуһун бэлэх тутта. Хас биирдии лауреат дипломунан уонна кубогынан наҕарадаланна.

Уопсай түмүк:

Гран-при –  «Хомусчаан» ансаамбыл (Бүлүү, Дьөккөн)

Кыра бөлөх (1-4 кылаас)

I истиэпэннээх лауреат – «Үрүйэчээн» ансаамбыл (Мэҥэ Хаҥалас, Аллараа Бэстээх).

II истиэпэннээх лауреат – «Дьүрүскэн» ансаамбыл (Покровскай куорат).

III истиэпэннээх лауреат – «Дьүрүлгэн» ансаамбыл (Мэҥэ Хаҥалас, Майа).

Дипломант – «Талбан» ансаамбыл (Дьокуускай куорат, 17-с №-дээх оскуола).

Орто бөлөх (5-8 кылаас)

I истиэпэннээх лауреат – «Үнүгэс» ансаамбыл (Дьокуускай куорат, 17-с №-дээх оскуола).

II истиэпэннээх лауреат – «Дьүрүлгэн» ансаамбыл (Мэҥэ Хаҥалас, Майа).

III истиэпэннээх лауреат – «Үрүйэчээн» ансаамбыл (Сунтаар, Элгээйи).

Дипломант – «Дьүрүhүй хомуhум» ансаамбыл (Дьокуускай куорат, 1 №-дээх Оҕо искусствотын оскуолата).

Улахан бөлөх (9-11 кылаас)

I истиэпэннээх лауреат – «Этигэн хомус» ансаамбыл (Дьокуускай куорат, Оҕо айымньытын дыбарыаһа).

II истиэпэннээх лауреат – «Талбаана» ансаамбыл (Мэҥэ Хаҥалас, Майа).

III истиэпэннээх лауреат – «Күөрэгэй» ансаамбыл (Нам, Партизан).

Дипломант – «Төҥүлүчээнэ» ансаамбыл (Мэҥэ Хаҥалас, Төҥүлү).

Биирдиилээн кыттааччылар (солист):

Гран-при – Валерия Атласова (Дьокуускай, Саха гимназията).

Кыра бөлөх (1-4 кылаас)

I истиэпэннээх лауреат – Лилия Кычкина (Таатта, Харбалаах).

II истиэпэннээх лауреат – Лиза Кормилицына (Дьокуускай к. национальнай гимназия).

III истиэпэннээх лауреат – Ай Куо Контоева (Дьокуускай к. национальнай гимназия).

Дипломант – Ванесса Максимова (Дьокуускай куорат, 2-с №-дээх Оҕо искусствотын оскуолата).

Аан дойду виртуоз-хомусчута С.С.Шишигин анал бирииһэ – Ярослав Ядреев (Дьокуускай куорат, Оҕо айымньытын дыбарыаһа).

Орто бөлөх (5-8 кылаас)

I истиэпэннээх лауреат – Марина Бястинова (Дьокуускай куорат, 17-с №-дээх оскуола).

II истиэпэннээх лауреат – Дайаана Данилова (Дьокуускай куорат, Оҕо айымньытын дыбарыаһа).

III истиэпэннээх лауреат – Артем Соловьев (Дьокуускай куорат, 31-с №-дээх оскуола).

Дипломант – Анжела Попова (Сунтар, Сунтаар с).

Улахан бөлөх (9-11 кылаас)

I истиэпэннээх лауреат – Чэмэлиинэ Дмитриева (Бүлүү, Дьөккөн).

II истиэпэннээх лауреат – Маша Попова (Дьокуускай куорат, Оҕо айымньытын дыбарыаһа).

III истиэпэннээх лауреат – Настя Избекова (Нам, I Хомустаах).

Дипломант – Милена Рязанская (Нам, I Хомустаах).

Людмила ПОПОВА, “Саха сирэ” хаһыат, edersaas.ru 

 

+1
0
+1
0
+1
0
+1
0
+1
0
+1
0
+1
0