Томпо улууһун Мэҥэ Алдан сэлиэнньэтигэр балаҕан ыйын 17 күнүгэр алдьархай тахсыбыта — итирик киһи саанан ытыалаабыта.
РФ Силиэстийэлиир кэмитиэтин Саха сиринээҕи управлениета иһитиннэрбитинэн, балаҕан ыйын 17 күнүгэр Мэҥэ Алдан 53 саастаах олохтооҕо итирэн баран, баһаарынай чаас аттыгар саанан ытыалаан, дьиэ иһигэр баар икки киһини бааһырдыбыт: олортон биирдэстэрэ тута тыына быстыбыт, иккиһин (баһаарынайы) балыыһаҕа киллэрбиттэр.
СӨ ИДьМ-тын пресс-сулууспата иһитиннэрбитинэн, бу киһи урут холуобунай да, административнай да эппиэккэ тардылла сылдьыбатах. Быһылаан буолбут сириттэн 7,62 мм булт харабыынын, 10 ботуруону уонна икки кураанах «маҕаһыыны» булбуттар.
Барыллаан быһаарыынан, бу киһи өр кэм устата арыгылаан, «гэрээчкэлээбит».
Бу сарсыарда биллибитинэн, бааһырбыт баһаарынай улуус балыыһатыгар өлөөхтөөбүт…
Бу чахчынан «икки киһини соруйан өлөрүү» бэлиэтэ баарынан холуобунай дьыала тэриллэн силиэстийэлэнэр.
Хаартыска: интэриниэттэн.