close
«Саас кэллэ!» марафоҥҥа дьиэ оонньонно
· - Олох-дьаһах - Эдэр саас

«Саас кэллэ!» марафоҥҥа дьиэ оонньонно

Саха тэлэбиидэнньэтэ муус устар 1 күнүгэр Саха сирин олохтоохторугар ураты бэлэҕи оҥордо. Доҕордоһуу болуоссатыгар кэнсиэр тэрийэн, босхо билиэттэри түҥэттэ. Сүүйүүлээх оонньуу кыайыылааҕынан Дьокуускай куорат олохтооҕо буолла. http://edersaas.ru

Бэҕэһээ Дьокуускай куоракка кыһыны атаары кэмигэр Доҕордоһуу болуоссатыгар «Саха» НКИХ «Саас кэллэ»  телерадиомарафонун чэрчитинэн улахан кэнсиэр буолла. Кэнсиэри көрө кэлбит дьоҥҥо буор-босхо тус-туспа нүөмэрдэрдээх купуон түҥэтилиннэ. Сүрүн бириистэр – дьиэни туттарга Алдантан аҕалыллыбыт бэлэм мас, ону таһынан бэлэм баанньык, беседка.

Сүрүн бирииһи — Алданнааҕы «Аартык» хампаанньаттан 6х6 кээмэйдээх дьиэ маһын Дьокуускай куорат олохтооҕо Тамара Пантелеймоновна сүүйэн үөрдэ-көттө.


Феврония Барашкова беседка туттарга сертификат сүүйдэ.

40 тыһ. солкуобайга миэбэл атыылаһарга сертификат сүүйбүт дьиэ кэргэн видеоролик устан ыытта.

Маны тэҥэ, сүүйүүлээх оонньууну кытта быйыл оскуоланы бүтэрээччилэргэ анаан сонун күрэхтэһии ыытылынна. Ол курдук, үтүө дьыаланы оҥорон, онтуларын видеоҕа устан ыыттылар. Кыайыылаах кылааска «Михаил Светлов» теплоходка биэчэр тэрийэллэригэр путевка биэрдилэр. Бу куонкурус кыайыылаахтарынан Мэҥэ Хаҥалас  улууһун Н.В.Петров аатынан Дьабыл орто оскуолатын 11-с кылааһын үөрэнээччилэрэ таҕыстылар. Оҕолор ферма ыанньыксыттарын солбуйан, ынах ыатылар, хотон ис-тас үлэтин оҥордулар.  Онон оҕолор бу сайын оскуоланы бүтэрбиттэрин бэлиэтиир бырааһынньыктарыгар бэлэх оҥоһуннулар.

Олег Марков, «Саха» НКИХ генеральнай дириэктэрин солбуйааччы:

— Бэҕэһээ биһиги тэлэбиидэнньэбитигэр телерадиомарафону ыытыыга бастакы уопуппут буолла.  Ол курдук, сарсыардаттан араадьыйаны истээччилэрбит сүргэлэрин көтөҕөр сыалтан, сэттэ чаастан саҕалаан быһа эфир оҥордубут. Манна эмиэ араас оонньуулары ыытан, бириистэри оонньоттубут.  Бэрт сэргэхтик ааста.  Онтон күнүс Доҕордоһуу болуоссатыгар кэнсиэр тэрийдибит. Биэс тыһыынча кэриҥэ купуон түҥэттибит. Бохсону босхо курдук сыһыаннаһыахха наада. Киэһэ бу купуоннарбытынан сүүйүүлээх оонньуубутун быһа биэриигэ таһаарбыппыт. 6х6 кээмэйдээх дьиэ маһа, «Сахаграндстрой»  хампаанньаттан баанньык, беседка, 1000 л бензин уо.д.а. элбэх бириис оонньонно. Быһа биэриибитин шашкаҕа турнирынан түмүктээтибит. Саха сирин киэн туттар оонньооччулара Гаврил Колесов уонна Николай Стручков күөн көрүстүлэр. Оонньуу тыҥааһыннаахтык ааста. Гаврил кыайбыта.  Үгүс дьоҥҥо үчүгэй настарыанньаны бэлэхтээтэхпит буолуо диэн эрэнэбин.

Бу күн сарсыарда сэттэ чаастан күнү быһа тохтобула суох «Сааскытыйыы» диэн радио-шоу үлэлээтэ. Ыытааччылар Талбан, Ахтылҕан, Лена уонна Гея истээччилэрин кытта быһа биэриигэ олордулар. Бэрт сэргэх, сонун таһаарыы буолла.

Сааспытын сонуннук уонна сэргэхтик саҕалаатыбыт. «Саха» НКИХ-ҕа  махтанабыт! http://edersaas.ru

1
0

Сайт матырыйаалларын ааптар көҥүлэ суох ылар бобуллар.
  1. 1 санаа

    Люба

    Амматтан хантан ити купону атыылыаһабыт?

    02.04.2017


Notice: Undefined index: comment_notes_before in /var/www/edersaas/wp-includes/comment-template.php on line 2334

3 × 1 =

INSTAGRAM ЛИЭНТЭТЭ

Instagram батыһан бар