close
Сахалыы астаах чэйдиир сир элбээтин
Олох-дьаһах

Сахалыы астаах чэйдиир сир элбээтин

Соторутааҕыта биһиги эрэдээксийэбитигэр Николай Иванович Алексеев диэн саастаах киһи киирэ сырытта. Кини тус санаатын ааҕааччы киэҥ араҥатыгар таһаарарбытыгар көрдөстө.

— Мин Горнай улууһуттан Аһыматтан кэлэ сылдьабын. Балыыһаҕа харахпын көрдөрө. Куораппыт олус тупсубут, киэркэйбит. Наһаа үчүгэй. Ол гынан баран, ханна баҕарар дьиэҕэр курдук сананан олорон, сылаас үүттээх чэй, суорат иһэр, күөрчэх, сылаас алаадьы, саламаат, арыылаах килиэп сиир  кафе, муннук суоҕа хомолтолоох. Тыа сириттэн кэлбит киһи ис өттө балаҕан курдук тупсарыллан оҥоһуллубут чэйдиир сиргэ тоҕо сиэнинээн, оҕолорунаан киирэн олоруо суоҕа этэй? Арай, хас хардыы аайы  шаурма, лаваш эҥин диэн суруктаах чэйдиир сир хара баһаам. Сиэннэрбит иһиттэх аайы тура-тура лагман, шаурма, о.д.а. сиэбиттэрин кэпсииллэр. Дьэ, уонна, истэрэ-үөстэрэ аһыйан, бэйэлэрэ хатан-кууран аҕай тиийэллэр. Мин сиэннэрим оннук тиийдэхтэринэ, бэйэ аһынан аһатан, истэрин-үөстэрин сымнатан, туруктарын көннөрөн ыытарга кыһаллабын. Итинник аһынан үлүһүйүмэҥ диибин да, сыаналара чэпчэки буоллаҕа дуу, син биир сылдьыбыттара эрэ баар буолар.

Онон, мин санаабар, бу боппуруоска дьокутааттар болҕомтолорун ууруохтарын наада. Саатар бэрт кыра да сиргэ, холобур, балыыһаларга, биирдии кыра хос иһин балаҕан курдук тупсаран оҥорон,  кафелары, киоскалары  арыйыахха сөп этэ. Оччоҕо тыа сириттэн доруобуйаларын көрдөрүнэ, атын да наадаҕа кэлбит дьон төһөлөөх абыраныа этилэрэй. Дьокутааттар туруорсан,  холобур, Нам, Мэҥэ Хаҥалас, Хаҥалас, Амма, Таатта, Чурапчы, Горнай, о.д.а. улуустарынан субсидиялаах чэйдиир сир астараллара буоллар, дьон-сэргэ махталын ылыахтара этэ. Аҥаардас Иннокентий Тарбаахап хас да кинигэтинэн сирдэтэн ас арааһын астыахха сөп. Аһы-үөлү ыһыахха санитарнай өттүнэн кытаанахтык бэрэбиэркэлииллэрин курдук, кэмиттэн-кэмигэр бэрэбиэркэлээтиннэр эбээт. Ол оннугар тымныыга тохтобул аайы тоҥон-хатан турар, балыыһаҕа хаһан көрдөрөн бүтэллэрин кэтэһэр дьон астына-дуоһуйа сэһэргэһэ-сэһэргэһэ  чэйдиир сирдэрэ элбээтин. Урут куорат уулуссатыгар куруускаҕа кыбаас кутан биэрэр буолаллара. Ол тэҥэ, бытыылканан да буолбатар, чэйи, суораты ыстакаанынан да кутан биэрэр сирдэр арыллаллара буоллар, дьон сириэ суоҕа этэ дии саныыбын. Ама, кыраттан саҕалыыр тоҕо кыаллыа суоҕай?

Иккиһинэн, балыыһаҕа көрдөрүнэ сылдьан ханна да сахалыы ыйынньыгы, суругу-бичиги көрбөтүм. Саастаах өттө мунуу-тэнии бөҕө. Оннук элбэх киһини көрүстүм. Мин көрдөрөр балыыһам офтальмология диэн үһү. Оттон аттыгар сахалыы харах балыыһата диир тоҕо табыллыбата эбитэ буолла? Көҥүллэнэр буоллаҕына, А4 да кумааҕыга суруйан ыйыыллара буоллар киһи сириэ суох этэ.

Хаартыска: интэриниэттэн

 

 

 

#бүгүн: 1
2
0

Сайт матырыйаалларын ааптар көҥүлэ суох ылар бобуллар.
  1. 1 санаа

    МАРИНА

    Улуу ойдоох дьон этэринэн туора омугу имири сутэрэргэ аьыыр астарын уларытан ис кыахтарын айгыратыы эрэ соп диэн.Ол курдук куоракка рай. кииннэригэр кирдээх туох этиттэн биллибэт астары атыылыллар.Ону биьиги акаарыларбыт муода курдук санаан сииллэр.Эчи сиргэммэттэрэ да бэрт.Кыыллыйбыт дьоццо синэ биирэ дуу.То5о ким да бопсубатый?!

    10.10.2018

    • 2 санаа

      Эдэр Саас

      Марина, дорообо. Сахалыы астаах чэйдиир сири туруорсан санаатын тиэрдибит Николай Ивановичка санааҕын үллэстибиккин тиэртибит. Кырдьаҕас киһи сүрдээҕин сэргээтэ.
      Кырдьык, бэйэ сибиэһэй, иҥэмтиэлээх, доруобуйаҕа туһалаах аһын-үөлүн туһунан кэпсэтиини кэҥэтиэххэ,элбэтиэххэ.

      12.10.2018

Мин санаам:

2 × два =