Саха бэйиэттэрэ Татарстан кинигэтигэр киирдилэр

Бөлөххө киир:

Саха Өрөспүүбүлүкэтин норуодунай бэйиэтэ, СӨ Суруйааччыларын Сойууһун бэрэссэдээтэлэ  Иван Мигалкин уонна П.А.Ойуунускай аатынан СӨ Судаарыстыбаннай бириэмийэтин лауреата, суруйааччы Лена Слепцова-Куорсуннаах хоһоонноро татаардыы саҥардылар.

Надежда ЕГОРОВА, «Саха сирэ» хаһыат, edersaas.ru

Ол эбэтэр, саха ааҕааччытын таптыыр бэйиэттэрин хас да хоһоонун Татарстан Өрөспүүбүлүкэтин бэйиэтэ уонна драматура Рафис Корбан хомуйан оҥорбут «Дуслар Жыры» кинигэтигэр киллэрдэ.

Биһиги бэйиэттэрбит А.Пушкинтан саҕалаан, Кайсын Кулиев (балкар), Расул Гамзатов (авар), Нурлан Оразалин (казах), Николай Шемсетдинов (Арассыыйа), Геннадий Ояр (мари) уо.д.а. курдук улахан бэйиэттэри кытта биир хомуурунньукка киирбиттэрэ элбэҕи этэр.

Рафис Курбанов кинигэтин Казань куоракка сүрэхтээһинигэр Иван Мигалкин кытынна. Сүрэхтээһин 650 киһилээх филармония саалатыгар ыытылынна. Бу үөрүүлээх тэрээһиҥҥэ И.Мигалкин саха литэрэтиирэтин билиҥҥи туругун уонна айар үлэтин билиһиннэрдэ.

Бэйиэт үөрүөн уонна долгуйуон иһин, киниэхэ «Эдэр гвардия» кинигэ кыһатыгар «Уһулуччулаах дьон олохторо» сериянан тахсыбыт Минтимер Шаймиев туһунан кинигэни бэлэхтээтилэр. Татарстан бастакы Президенэ (1991-2010 сылларга президеннээбит) Минтимер Шарипович Иван Мигалкин аатын суруйан туран, үтүө санааларын тириэрдибит.

Надежда ЕГОРОВА, «Саха сирэ» хаһыат, edersaas.ru

ЫСПЫРААПКА:

Рафис Курбанов – Татарстан Өрөспүүбүлүкэтин бэйиэтэ уонна драматура, Шайхи Маннур уонна Абдулла Алиш аатынан бириэмийэ лауреата, Татарстан Өрөспүүбүлүкэтин Суруйааччыларын Сойууһун бэрэссэдээтэлэ, оҕолорго аналлаах 20-чэ кинигэ ааптара. Кини дыраамалара куукула тыйаатырдарын репертуардарын киэҥник байыталлар. Куукула Казаннааҕы тыйаатырыгар, Эдэр көрөөччү тыйаатырыгар уо.д.а. ситиһиилээхтик туруоруллаллар.

+1
0
+1
0
+1
0
+1
0
+1
0
+1
0
+1
0