«Саха сирэ» технопаарка РБК («РосБизнесКонсалтинг») сурунаал быһаарыытынан, 10 саамай бастыҥнар кэккэлэригэр хабылынна. Испииһэккэ тохсуһунан киирдэ.
Биллэр-көстөр сурунаал алтыс таһаарыытыгар урбаанньыттарга көмөлөһөр тэрилтэлэр, пааркалар рейтиннэрин таһаарда.
Арассыыйаҕа баар анал сыаллаах тэрилтэлэр, пааркалар үлэлэрин анаалыстаан, ырытан көрөн баран итинник түмүгү оҥордо. Ол курдук, аҥардас үлэлиир миэстэни арендалааһынан эрэ муҥурдаммакка, резиденнэр төһө элбэхтэриттэн саҕалаан оҥорон таһаарыыга туох ситиһиилээхтэригэр тиийэ учуоттаата.
Санатар буоллахха, «Саха сирэ» технопаарка 91 хампаанньаны түмэн үлэлэтэри ситистэ. Резиденнэр 2012 сылтан 2016 сылга 1 млрд 144 мөл. солк бородууксуйаны атыылаабыттар уонна араас өҥөнү оҥорбуттар, нолуокка 260 мөл. солк төлөөбүттэр, 450-тан тахса үлэ саҥа миэстэтин тэрийбиттэр.
Александр ТАРАСОВ, «Саха сирэ» хаһыат, edersaas.ru
+1
+1
+1
+1
+1
+1
+1