Бүгүн, сэтинньи 29 күнүгэр, «Саха сирэ» хаһыат кылаабынай эрэдээктэрэ Родион Кривогорницын уонна Чурапчы улууһун баһылыга Андрей Ноговицын бииргэ үлэлэһэргэ сөбүлэһии түһэристэ.
edersaas.ru
Санатан эттэххэ, сурутуу декадатынан «Саха сирин» эрэдээксийэтэ Чурапчы улууһугар хаһыат күннэрин ыыта сылдьар.
Ол чэрчитинэн, нэһилиэктэргэ ааҕааччылары кытары көрсүһэн, сытыы темаларга кэпсэтии таһаарар. Бүгүн улуус салалтатын кытары «Сибээс сайдыыта — олох хардыыта» диэн тиэмэҕэ «төгүрүк остуол» ыытар. Тэрээһиҥҥэ «Ростелеком» хампаанньа, оскуолалар, оҕо уһуйааннарын үлэһиттэрэ, улуустааҕы «Саҥа олох» хаһыат, о.д.а. кыттыыны ылаллар.
Аграфена КУЗЬМИНА, «Саха сирэ» хаһыат.
+1
+1
+1
+1
+1
+1
+1