Эр дьон ортотугар боксаҕа Арассыыйа быйылгы чөмпүйэнээтэ Дьокуускай куоракка алтынньы 12-21 күннэригэр ыытыллыаҕа. Онно барыта 400 спортсмен кыттара күүтүллэр. Бу күрэхтэһии түмүгүнэн Европа чөмпүйэнээтигэр кыттар дойду хамаандата сүүмэрдэниэҕэ.
Спорт миниистирэ Георгий Балакшин иһитиннэрбитинэн, Дьокуускайга, Арассыыйа чөмпүйэнээтигэр 425 киһи кэлэрэ күүтүллэр, ол иһигэр 320 спортсмен, 20 тириэньэр, судьуйа кэллиэгийэтин 40 чилиэнэ уонна 30 бочуоттаах ыалдьыт.
Күрэхтэһии “Триумф” Спорт киинигэр буолуоҕа. Чөмпүйэнээт киирсиилэрин “Саха” НКИХ быһа эфиринэн биэриэҕэ. Итини таһынан, “Матч-ТВ” федеральнай ханаал түмүк киирсиилэри көрдөрүөҕэ.
Санатар буоллахха, Саха сиригэр Арассыыйа боксаҕа чөмпүйэнээтэ бу иккис төгүлүн ыытыллар. Бу иннинэ 2007 сыллаахха буолбута.
Роман Попов, edersaas.ru
Хаартыска Интэриниэттэн ылылынна.