Саха сиригэр төһө кыыл-сүөл баарын билэр учуот саҕаланна

Бөлөххө киир:

Өрөспүүбүлүкэ үрдүнэн быйылгы кыыл-сүөл кыһыҥҥы маршрутун учуоттуур тэрээһин тохсунньу 15 күнүттэн кулун тутар 25 күнүгэр диэри ыытыллар. Бу тэрээһини СӨ Айылҕа харыстабылын министиэристибэтин биологическай ресурсалар уонна ураты харыстанар сирдэр дирекциялара иилиир-саҕалыыр.

Александр ТАРАСОВ, «Саха сирэ» хаһыат, https://edersaas.ru

Василий Оконешников, биологическай ресурсалар уонна ураты харыстанар сирдэр дирекцияларын булка управлениетын кылаабынай исписэлииһэ:

Маннык үлэ ыытыллара наадалаах. Бастакы уочарат, төһө кыыл-сүөл баара биллэр. Ол курдук, былырыын күһүн булт сезона саҕаланыаҕыттан, элбэх киһи бултаабытын кэнниттэн, маннык учуот хайаан даҕаны оҥоһуллуохтаах. Өрөспүүбүлүкэ үрдүнэн төһө тайах, дьиикэй таба, тииҥ, киис, кырынаас, бөрө, сиэгэн, бэдэр, саһыл, куобах баарын билэбит. Бу учуот түмүгүнэн кэлэр булт сезонугар (2017-2018 сс.) ити этиллибит кыыллары, күндү түүлээҕи бултааһыҥҥа квота көрүллэр.
Тэрээһиҥҥэ ураты харыстанар сирдэргэ үлэлиир иниспиэктэрдэр, уопуттаах булчуттар, булт хаһаайыстыбатын исписэлиистэрэ кытталлар. Барыта 500-тэн тахса киһи үлэлиир.

Муус устар 10 күнүгэр диэри 34 улуустан төһө кыыл-сүөл баарын туоһулуур анал докумуон дирекцияҕа туттарыллар. Биһиги ону бэрэбиэркэлээн баран, салгыы анал ньыманан ааҕар научнай тэрилтэҕэ биэрэбит.

Хаартыскалар: 2016 сыл сэтинньитигэр Горнай, Мэҥэ Хаҥалас, Таатта, Хаҥалас уонна Амма улуустарыгар сөмөлүөтүнэн көтө сылдьан түһэрбиттэр.

+1
0
+1
0
+1
0
+1
0
+1
0
+1
0
+1
0