Саха сирин бырабыыталыстыбатын Владимир Солодов салайыаҕа

Ааптар: 
Бөлөххө киир:

Евгений Чекин өрөспүүбүлүкэ бырабыыталыстыбатын бэрэссэдээтэлин дуоһунаһыттан босхолонуоҕа. Регион миниистирдэрин кабинетын баһылыгын эбээһинэһин Владимир Солодов толоруоҕа. Бу туһунан Саха сирин Ил Дарханын э.т. Айсен Николаев иһитиннэрдэ.

Саҥа премьери анааһын туһунан Саха сирин Ил Дарханын э.т. СӨ Ил Дарханын иһинэн Олохтоох салайыныы управлениетын сэбиэтин мунньаҕар эттэ.

Бырабыыталыстыба бэрэссэдээтэлин эбээһинэһин толорооччунан бу күннэргэ Владимир Викторович Солодов ананыаҕа, кини билиҥҥи күннээҕи туругунан РФ бэрэсидьиэнин Уһук Илин уокуругар боломуочуйалаах бэрэстэбиитэлин Юрий Трутнев солбуйааччытынан үлэлиир. 2015 сылтан кини Уһук Илин экономическай уонна инвестиционнай сайдыытын боппуруостарын ситиһиилээхтик сүрүннүүр.  Мин Владимир Викторовиһы  хаһыс да сылын уһулуччу билиилээх киһи быһыытынан билэбин. Биһиги кинилиин биир университеты –МГУ-ну бүтэрбиппит.  Чугастааҕы күннэргэ кини үлэтигэр киириэҕэ”, —диэтэ кини.

Маны сэргэ, Айсен Николаев Саха сирин экс-премьеригэр Евгений Чекиҥҥэ үлэтин иһин махтанна.

Григорий Фоменко, СИА.   

+1
0
+1
0
+1
0
+1
0
+1
0
+1
0
+1
0